鄭希怡Yumiko側田認衰拒戒煙

側田曾經醉酒鬧事，最近又吸菸出醜，上週五在鄭希怡（Yumiko）的婚禮上，側田被拍到跟黃家強在室內吸菸，其間家強又爆粗指罵側田說：「你班友真係當人哋間餐廳冇X到！」對於自己三番四次失禮，前晚在灣仔為「超越界限至清至純音樂會」演出的側田尷尬地說：「瀨咗嘢，真係唔好意思。」側田被問到跟家強有否衝突，他說：「冇，家強都有食，仲派煙畀我。」側田變成婚禮主角，他表示已經向主人家Yumiko致歉，並一再重申以後不會在室內吸菸，若要吸菸會到室外，不過，吸菸危害健康，側田被問到會不會戒菸，他說：「冇諗過，戒菸要有原因先戒到。」

千嬅湊仔冇朋友

楊千嬅在音樂會打頭陣，並邀請側田合唱《心仍是冷》，台上放了樽裝水，頻頻飲酒出事的側田，自嘲一番：「我哋係咪應該飲多啲水。」中秋節出騷的楊千嬅表示開騷前跟家人做節，已經開學的囝囝Torres送了一個DIY燈籠給她，千嬅說：「返學之後好多嘢講，仲成日拎電話錄語音短訊寄出去。」

為了要做一個好媽媽，千嬅要犧牲自己的生活，她說：「𠵱家朝朝早送個仔返學，生活改變曬，日日7點幾就起身，夜晚朋友叫我出去都唔出，好似冇曬朋友咁。」

另外，同場的Gin Lee約滿BMA回覆自由身，正斟洽多間唱片公司，條件是有空間做她想做的音樂，價錢不是最重要的考慮因素。

楊千嬅前晚在新城騷上弗爆演出，又唱又跳錶演新歌。

完騷後千嬅即趕回家陪老公丁子高及囝囝Torres過中秋。微博圖片

楊千嬅昨日簽名會上，男fans穿上絲襪扮她MV的造型。

Fans黑絲上身

此外，千嬅昨日在銅鑼灣出席新碟《色惑》簽名會，穿上deep V上衣的她毫無睇頭。大會安排粉絲上台模仿千嬅的性感舞步，其中一位男粉絲著黑絲加短褲，千嬅說：「你真係好勁，我都輸咗畀你。人生真係需要好大勇氣先可以做到呢步。」她亦稱前晚演出後趕回家與囝囝Torres玩燈籠，她說：「我打畀阿媽㩒住佢唔好畀個仔瞓，都玩咗15分鐘。」

採訪：馬建華、盧妹
攝影：陳志嵐
From:http://hk.apple.nextmedia ... 140910/18860799

側田前晚出席新城音樂會，他先和楊千嬅合唱《心仍是冷》，可惜第一句便唱錯歌詞，他事後受訪時坦言十分懊惱：「依家都忟緊，要記好啲歌詞。」由於音樂會獲樽裝水贊助，千嬅與側田飲水幫忙賣廣告時，千嬅乘機取笑曾醉酒鬧事的側田：「你飲多啲水就啱喇，唔好飲其他喇！」

對於唱錯歌詞，側田自己亦很不滿意。

提到早前被指在鄭希怡婚禮上於室內犯禁吸煙，側田即說：「賴咗嘢，唔好意思！我都同咗新娘講唔好意思，個頭條變咗我，下次會喺出面食，其實唔應該食，不過好難戒。」
from:http://orientaldaily.on.c ... /00282_015.html

側田煙癮發作，同女友食飯時足足食咗3支煙。

【淺水灣】
今晚舉行演唱會嘅側田，雖然一直閉關排練，不過日前都去咗淺水灣同女朋友拍拖放鬆心情。佢哋先去咗一間餐廳撐枱腳，期間咁啱遇到蘇志威，佢哋兩個都傾咗幾句。

側田嘅煙癮似乎幾大，一餐飯行咗出去食兩次煙，臨走再同女友食多支，跟住兩人去咗沙灘漫步，但兩人表現唔算太親密，大多數都係並排而行。冇耐諗住截的士走人，不過等咗陣都唔見有車，側田走咗入商場涼冷氣，剩低佢女友一個人企喺街截車，上車之後佢女友搵咗間舖頭買糖，側田只係坐喺的士度等，買齊啲嘢先再開車走人。

採訪、攝影：羅德光、朱志聰
from:http://hk.apple.nextmedia ... 150605/19172532