側田拖女玩迷銅記

側田同韓籍女友感情穩定，佢視女友係最愛，仲話大家都見過雙方家長，女方親戚仲開始向側田逼婚，其實佢哋都想今年內完婚，畢竟37歲嘅側田都係時候成家立室。側田雖然𠵱家轉戰內地，不過每次佢喺香港都同女友秤不離砣，佢哋前日下晝約5點，又孖咇拍拖去銅鑼灣利園買咖啡同蛋糕撐枱腳。

側田同韓籍女友前日喺Cova等外賣，一於坐低慢慢等。

女友揀完蛋糕，側田識做攞銀包出嚟畀錢。

大騷美腿的側田女友，買完嘢食走去搵位坐。

側田孖女友拍拖撞見黃宇詩（右），三人傾唔停。

撞正黃宇詩

光頭側田戴住佢頂波點鴨舌帽，一身便服同孭住背囊出現，女友就着住格仔短裙晒玉腿，佢哋拍拖去利園Cova，唔知係咪側田返咗內地發展太耐，佢連Cova搬咗舖都唔知，結果同女友上演一幕迷銅記四圍揾路，仲要走去商場服務台問路，跟住依指示先搵到間舖。側田同女友去到Cova柯打完咖啡，又喺蛋糕櫃前揀甜品，sweet到爆。側田好識做拎銀包畀錢，跟住佢哋仲坐埋一邊等外賣。其間側田發現記者影相，仲笑笑口揮晒手，表現大方。

側田驚女友怕攰坐低等外賣嗰時，咁啱撞見黃宇詩，大家仲好有禮貌打招呼，黃宇詩拎咗張卡片出嚟派畀佢哋，之後再傾多一陣先走人。
from:http://hk.apple.nextmedia ... 130908/18413608

側田與韓國女友相戀三年，感情穩定，前日兩人拍拖到銅鑼灣撐枱腳，一向對女友呵護備至的側田，更自動波做阿四為女友捧食物，而女友則做「低頭族」坐低篤電話，期間巧遇黃宇詩，側田即介紹女友給對方認識。

側田（右）與女友現身銅鑼灣一商場行街街。

現年37歲的側田，出道以來負面新聞多多，曾是夜蒲一族的他，自結識現任韓國女友後，修心養性不少。在11年初，他突然暫別香港樂壇，與友人到北京定居發展，但因內地競爭太大，去年底又回歸香港。側田與女友雖只拍拖三年，但早已認定為結婚對象，早前在演唱會上對女友大唱冧歌，Sweet到爆！

低頭族篤電話
前日約下午5時，戴帽及黑超的側田，與身穿背心、短裙的女友，前後腳現身銅鑼灣一商場，雖然二人無親熱動作，但側田不時回望女友，其後又到附近餐廳醫肚。甫進店內，兩人即走到放蛋糕的雪櫃前研究，其後女友自行搵位坐低，而側田就負責買食物和飲品，等候期間，女友全程耷低頭玩電話。

側田（左）與韓國女友於餐廳醫肚。

側田自動波去買食物，女友就做低頭族玩電話。

同場巧遇黃宇詩（右），未來田嫂（左）邊啜飲品邊望二人傾偈。

遇宇詩企定定
付款後，側田主動為女友捧食物回來開餐，認真廿四孝男友。同場巧遇黃宇詩，側田即介紹女友給對方認識，女友亦起身打招呼，奈何不懂廣東話的「未來田嫂」，只好企在一旁邊啜手上飲品邊望二人傾偈，後來發現記者拍照，側田即轉枱到較入位置與女友繼續開餐。

文、
From:http://orientaldaily.on.c ... /00282_025.html