滕麗名疑與緋聞男友郭政鴻耍花槍，而於日前博客中自爆分手，昨日鴻仔出席《五味人生》拜神儀式時，澄清分手純屬誤會，揚言以後會多加關心滕麗名，並會絞盡腦汁逗她開心，着大家放心。
滕麗名日前在博客中自爆感情世界重回一片空白，頓惹來她與緋聞男友郭政鴻分手傳聞，雖然滕麗名口口聲聲指博客中所指的「他」並非鴻仔，但據悉滕麗名與鴻仔只是耍花槍，女方一氣之下才自爆分手。
昨日鴻仔與郭晉安、關詠荷及米雪等在將軍澳電視城為《五味人生》開鏡拜神，問到滕麗名自爆分手一事時，鴻仔笑笑口說：「佢係咪講以前嘅歷史呀？個個就以為係我，其實係個誤會，冇分手，好朋友、好同事點會分手。」
滕麗名近日是否不開心？鴻仔代緋聞女友詳細報告說：「因為佢拍完《掌上明珠》，某程度上係佢拍完覺得好失落好空虛，之前佢拍得太開心太投入喇。」對於滕麗名的情緒問題，鴻仔表示有責任要幫助滕麗名處理，他說：「佢話點就點，佢話要食飯就食飯，搵班朋友飲酒就飲酒，佢咁人見人愛，實會諗辦法佢開心。」
