今屆港姐被指質素麻麻，不過講到是非算係近年之冠，除咗「是非精」1曾曦寧多仇家爆料外，大熱4 劉倩婷亦被指有個讀中學時認識嘅TB 密友TracyTong 。
港姐由上星期三（6 月24 日）起，一連8 日到北海道拍攝外景，本刊發現4 劉倩婷全程甚有「紳士」風度，不單對其他佳麗照顧有加，對5 馬詠恩尤其細心體貼。
其實到北海道前，4 劉倩婷同5 馬詠恩已經似足孖公仔，好鬼friend 。在北海道期間，兩人更有如連體嬰，去到邊黐到邊。對此劉倩婷就解釋：「因為我同馬詠恩由第一次面試已經識，可能識得最耐，所以咪熟絡啲囉！」劉倩婷解釋是因為鍾意照顧其他佳麗，「我係鍾意照顧人，幫到人咪幫囉！」
劉：唔會避忌
對於傳出斷背疑雲，劉倩婷回應表現得相當無奈：「我最唔開心就係影響到朋友，我同佢（被傳的TB 密友Tracy Tong ）由10 幾歲開始識到依家，係好好嘅朋友，可能佢比較男仔頭，所以俾人誤會囉！」但她表示不會為此避忌其他佳麗，「人哋點諗唔會影響到我，識得我嘅人都知，我係絕對唔會鍾意女仔嘅！」
馬詠恩亦力撐好友，「我同佢係好friend ，所以知道佢係好女仔，唔會懷疑佢嘅性取向，其實我哋係互相照顧。」同劉倩婷同房的9 袁嘉敏，雖然在玩繩網時曾被對方揸波邊，依然大讚對方，「因為畏高，掛住驚都感覺唔到！佢係我最鍾意嘅佳麗，我哋性格好夾，能夠同佢同房係件開心事。」
劉倩婷雖然被懷疑斷背，但贏晒其他佳麗嘅友誼，抵番晒啦！
自拍
上周六（6 月27 日），佳麗在登別學習製作海鮮料理時，劉倩婷和馬詠恩繼續黐到實，齊齊玩自拍，完全冇理其他佳麗。
全程體貼照顧︰密斟
上周六（6 月27 日），港姐在北海道Lake Hill Farm 餵飼乳牛時，當其他佳麗都擺好甫士影相時，劉倩婷（右）和馬詠恩（左）旁若無人站在一邊喁喁細語。
拖手
劉倩婷（左）全程對馬詠恩照顧有加，本周一（6 月29 日）在Niseko Grand 溫泉拍攝泳裝後，主動拖實對方離開。
(4)劉倩婷Man 實錄︰扮英雄揸波邊
本周一（6 月29 日），佳麗分成兩組玩繩網時，不少佳麗都驚到大叫，反而劉倩婷（白衫）表現得相當英勇，man 氣盡現。
