第37屆港姐之師姐出馬--有見今屆候選港姐質素平庸，無綫昨日除繼續安排一班候選港姐穿三點式上陣外，更拖埋胡杏兒和陳倩揚落水，安排二人穿三點式示人，為港姐造勢。另外，上圍本不大起眼的4號劉倩婷昨日忽然升cup變湯碗胸，而擁有34D的9號袁嘉敏則春光乍洩。 北海道直擊
十位候選港姐昨日聯同嘉賓胡杏兒及陳倩揚，於北海道二世古穿三點式泳衣拍攝外景，雖然胡杏兒上圍未見突出，但因她自10年前參選後已甚少以泳衣示人，自然成為傳媒焦點所在。至於佳麗昨日所穿泳衣明顯較前日有睇頭，其中上圍34D、被提名人吳君如叫「大波Candy」的9號袁嘉敏，因太大動作而春光乍洩、1號曾曦寧現出少許南半球，而4號劉倩婷也忽然升級變湯碗胸。
9號袁嘉敏太大動作險洩春光。
7號鍾溥敏上圍豐滿，她擺甫士時也顯得信心十足。
戒口跑步操身材
左起：1號曾曦寧、2號林潔瑜、3號鄭寶源和4號劉倩婷昨日所穿泳衣較前日有睇頭。
杏兒以三點式亮相並接受訪問說：「除咗早年拍《肥田囍事》之外，我成10年冇着泳衣，今次我又戒口又跑步，想fit啲做個榜樣畀人哋睇。」見杏兒肚皮有點摺紋，她解釋說：「之前都有，唔關減肥事。今次着泳衣有少少緊張，因為好少着，但今次亦係一次機會令自己可以操fit。」
袁嘉敏：唔覺走光
「娘版黎淑賢」9號袁嘉敏擁34D上圍，在眾候選佳麗中已算是有料之人。
有指無綫要杏兒穿泳衣無非是為候選港姐撐場？她否認說：「唔係，監製係想我哋以師姐身份去體驗北海道，加上今次係我選美後第10年，一個好好時機，自己比10年前仲瘦，但皮膚好過以前。」記者笑她穿平腳褲敗給一班佳麗，但杏兒笑道：「輸唔緊要，你哋畀我輸啦，自己揀咗三套泳衣嚟，呢套已經係最少布㗎啦。」杏兒又表示睇好7號鍾溥敏和8號熊穎詩。
另外，9號袁嘉敏被問到春光乍洩時說：「冇特別留意，工作人員幫我黐好晒膠紙，叫我唔好掂。」記者指她身材最勁，袁嘉敏笑說：「其他佳麗有長腿，自己比較矮，但有信心，重大咗㖭，大到去8月22日（港姐決賽）。」4號劉倩婷被問到上圍忽然升cup時解釋道：「係泳衣問題，自己冇托。」至於1號曾曦寧被問到現出南半球時說：「唔關事，可能郁嘅時候有少少移位啦，我做足安全措施。」
