林峯（左）和謝天華綵排演唱會時，顯得老友鬼鬼。
林峯前晚與其演唱會特別嘉賓謝天華到土瓜灣排舞，林峯更帶舞台設計圖到場。他表示會與歌迷近距離接觸，他說：「今次雖然係三面台，但台嘅前面會有個小型四面台，之後又有兩條橋伸展到兩邊觀眾席第15 行，所以山頂位嘅歌迷都可以落嚟握手。」
天華爆林峯着T-back
問到林峯會否怕與歌迷距離太近，被他們抓傷，他說：「公司都有幫我買保險，我本身好論盡，好怕叉錯腳。」謝天華則透露屆時會穿上貼身衫，他說：「件衫係阿峯公司幫我做嘅，如果佢唔幫我做，我唔做嘉賓啦，總之件衫都幾sexy 。」問天華會否擔心搶主角鏡？他笑說：「佢會着t-back 呀，我搶唔到佢鏡，我又冇t-back，冇bra top 。」
