來自溫哥華的「孖膶白歆惠」8 號熊穎詩修眉和除唇毛後，質素總算有改善。
《2009 年香港小姐競選》將於8 月22 日在紅館舉行，無綫昨日在電視城舉行記者會，10 位候選佳麗經過修飾會晤新聞界，質素只算普通，對於外界對今年港姐的批評，無綫藝員資源部副總監樂易玲表示今次是一個面對傳媒的學習好機會，距離比賽日子還有一段時間，佳麗的質素仍可改善。
（左起）「大汗徐淑敏」3 號鄭寶源、「風騷任葆琳」4 號劉倩婷和「縮胸周秀娜」5 號馬詠恩算是今年港姐中較標青的。
胡杏兒和陳倩揚以師姐身份在台上分享心得，她們更力撐今年港姐的質素不俗。
十位港姐候選佳麗以catwalk 形式出場，大會更安排眾人即場抽編號，但始終是首次踏上表演台，各人表現緊張，尤其穿上4 吋高踭鞋時動作更加生硬。經過日前的大改造，來自溫哥華的「孖膶白歆惠」8 號熊穎詩變化最大，她不但修飾了一對粗眉，而且更除掉唇毛，令人看來順眼了不少。至於質素較佳的包括「大汗徐淑敏」3號鄭寶源、「風騷任葆琳」4 號劉倩婷和「縮胸周秀娜」5 號馬詠恩。
樂易玲吸取了張舒雅的經驗後，向眾佳麗表明要有心理準備承受壓力。
油浸梁安琪態度差
每年港姐競選均有讀者爆料，當中以「油浸梁安琪」1 號曾曦寧為甚，對於被同事爆料指她做空姐貪名牌，而且工作態度又差一事，雖然曾曦寧聲稱與同事關係不俗，又否認爆料者是她的朋友，不過她待人態度的表現甚差，講起用名牌貨的時候，她說：「唔好話係唔係名牌，我覺得係女仔都鍾意啲靚嘢，我冇叫男友買名牌嘢畀我，大部份都係我自己買，送禮物係心意，唔一定係貴嘢，我只要男友錫我同埋對我專一。」她又表示今次是專登放大假參選，不過關於假期詳情，她則說：「呢啲係私人嘢，我諗唔方便透露囉！」
「娘版黎淑賢」9 號袁嘉敏表示今次是由吳君如擔任提名人，她說：「我今次參選預咗承受壓力，我一向都想嘗試吓幕前嘅工作。」「大汗徐淑敏」3 號鄭寶源也表明有心理準備面對壓力，她暫時都對自己有信心。
「女版許愿」2 號林潔瑜在台上不停擺甫士。
「娘版黎淑賢」9 號袁嘉敏（右）與「油浸梁安琪」1 號曾曦寧表現甚有自信。
預咗承受傳媒壓力
此外，面對外界對今年港姐批評，樂易玲說：「我覺得佢哋質素幾好，仲有3 個月時間，可以慢慢改善，我哋唔會理外邊點講，每年香港小姐都會有呢啲noise ，有人注意係好事，我覺得今次係一個好好學習面對傳媒嘅機會，所以我哋事前已經向面試佳麗表明，要預咗承受傳媒壓力，如果冇信心可以應付，我哋係唔會揀佢入圍。」
採訪：何慧斯 攝影：林德雄
第37 屆香港小姐資料
編號：1 姓名：曾曦寧 年齡：23 職業：艙務長 學歷：大學預科
編號：2 姓名：林潔瑜 年齡：25 職業：美容顧問 學歷：大學畢業
編號：3 姓名：鄭寶源 年齡：21 職業：學生 學歷：大學
編號：4 姓名：劉倩婷 年齡：23 職業：證券分析員 學歷：大學畢業
編號：5 姓名：馬詠恩 年齡：22 職業：學生 學歷：大學畢業
編號：6 姓名：黃嘉麗 年齡：24 職業：學生 學歷：準博士學生
編號：7 姓名：鍾溥敏 年齡：24 職業：學生 學歷：大學
編號：8 姓名：熊穎詩（溫哥華） 年齡：25 職業：市場助理 學歷：大學畢業
編號：9 姓名：袁嘉敏 年齡：24 職業：電影發行主任 學歷：大學畢業
編號：10 姓名：李姿敏（紐約） 年齡：21 職業：學生 學歷：大學
資料來源：無綫電視
蘋果日報
