唔會原諒佢！（真實對白）
白姐姐指Paul 年過50 仍可學人孔雀開屏都幾浪漫，不過卻寸佢有時間應做更有意義的事，唔需要在網上send 無聊e-mail 。
六十五歲的白韻琴（白姐姐），與細自己十五年的謝偉俊（Paul ）相戀二十年，去年九月阿Paul 當選立法會旅遊界別議員後，更被踢爆與白姐姐早於九七年已在美國拉斯維加斯秘密結婚！
做了十二年夫妻，阿Paul 卻被指搭上青島美女徐程程，二人的「挑情電郵」更被公開。已分居的白姐姐及阿Paul ，二十年情面臨玩完！
不過，被指搭上新歡的阿Paul 直指白姐姐自編自導自演，白姐姐則說：「我唔會原諒佢！」
25 歲程程
今年一月，Paul 議員辦事處開張，適逢50 歲大壽，一向收藏了很多古董的白姐姐，特地送上過千萬古董給愛郎，包括「孔雀開屏」屏風，白姐姐更笑對方老到開唔到屏。
孔雀開屏今年一月，阿Paul 的議員辦事處正式開張，適逢他五十大壽，老婆白姐姐送上「孔雀開屏」屏風贈興，更笑言對方年紀大，唔可以好似倪震孔雀開屏出去溝女。
言猶在耳，阿Paul 卻被雜誌踢爆搭上一名貌似張茆，來自青島的廿五歲女子徐程程，對方不斷主動向阿Paul 發出挑情電郵，內容包括自己身高、體重及嗜好，更附上兩張擺晒甫士玉照，面對女方熱情攻勢，阿Paul 亦忍唔住回信表示傾慕，但從電郵中顯示二人應該仍未正式見過面。
白姐姐與Paul 去年更被踢爆已於97 年在拉斯維加斯結婚，如今二人感情充滿危機，廿年情可能玩完！
Paul 去夫9 月爆冷當選立法會旅遊界別議員，上月又回復律師牌，本應雙喜臨門，卻忽然被指有新歡，與白姐姐之間的感情波折重重。（《蘋果日報》圖片）
分居一個月據知，謝偉俊與白姐姐近月曾吵大鑊，男方一個月前已搬離銅鑼灣百德新街寓所，在柴灣工業邨一單位暫住。「其實佢哋一齊廿年，成日都離離合合，間中有幾個月唔講嘢都好平常，今次好小事啫，分居都唔出奇。」知情者說。
與「青島程程」的電郵被離奇公開，阿Paul 回應時說：「成件事係佢（白姐姐）自編自導自演，我電腦嘅嘢只有我嘅秘書同埋佢先拎到。現階段我無咩想再回應，因為一講嘢就會傷害到身邊嘅人。」
謝偉俊99 年因拍下幾近乎全祼照而激嬲律師公會，去年被判停牌一年，上月剛復牌的他，現時忙於處理客戶訴訟，更經常要半夜三更起身開工。
倪震去年啜爆張茆事件哄動全城，身為倪震好友的白姐姐開口力撐對方，如今Paul 被指搭上「青島程程」，白姐姐亦稱，只屬碎料，唔當一回事。
不可原諒至於白姐姐，亦坦承與阿Paul 分居了一段時間。「其實我同佢長期以來都間中有一、兩個月唔講嘢，每次阿Paul 令我傷心或唔開心時，我都會搬去柴灣嗰度避靜同反思，或者去泰國、台灣散心，不過今次佢做咗啲好過分嘅嘢，令我好難受，所以我今次企硬，要搬都係佢搬！」
對於「青島程程」的出現，白姐姐說：「作為年過五十嘅佢，都可以有孔雀開屏嘅心，仲有少年維特的煩惱，都幾浪漫。不過我覺得應該有更值得做嘅嘢等佢做，唔係走去網上識女仔。如果只係封e-mail ，我真係唔當一回事，更勁揪嘅嘢我都見過！但係佢（Paul ）屈係我自編自導自演，我就唔可以原諒佢！幾年前我坐完監出嚟一個禮拜，俾人淋紅油，當時係因為佢律師行做錯嘢，令個客被人淋紅油，個客為報仇淋番我，當時佢都話係我自編自導，嗰次我原諒咗佢，但今次唔會！」
廿載情白韻琴與謝偉俊拍拖20 年，情變及是非傳聞不斷。
89年二人邂逅，展開忘年戀，96 年阿Paul 難奈「七年之癢」往夜總會消遣，白韻琴一怒之下向外界宣布分手，但不久宣布復合。98 年，白韻琴涉嫌瞞稅，保釋候查，而謝偉俊亦因替傳媒拍下裸照，惹律師公會不滿傳召出席紀律聆訊。
01 年3 月，謝偉俊不滿律師公會閉門聆訊，在中環鬧市裸體抗議，其後，謝偉俊又被傳媒拍下與女性朋友搭膊頭行街睇戲，二人再傳情變。01 年8 月，白韻琴被判入獄，謝偉俊仍日日探監，不離不棄。
