「Laughing 哥」謝天華昨日在深井一酒店泳池內，為無綫新劇《老公萬歲》拍攝一場落水戲，劇情講述李綺虹整蠱花弗的天華，安排他的三個舊愛倫紫玄、黃瑩和曾愛媚穿上比堅尼泳衣出現，三女最後更將天華推落水。
李綺虹雖已有一段時間沒拍電視劇，不過演技似乎未有生疏。
左起：黃瑩、倫紫玄和曾愛媚昨日冒着陰凉天氣穿比堅尼拍劇，精神可嘉。
「做乜要打底」
謝天華昨日拍攝一場被三個舊愛推落泳池的場景，結果一take 完成，場面惹笑。
試位期間，三個水着女均與天華保持距離，結果NG 收場，天華即說︰「我唔會食人，你哋可以行埋啲。」其中天華有幕戲要將面部靠近黃瑩心口，問天華可覺尷尬時，他理直氣壯地說︰「有乜嘢好尷尬呀？正常人㗎嘛，係劇情需要先會咁做，最緊要達到喜劇效果。」不過黃瑩則直言尷尬，她說：「都有少少，之前導演曾經要求過話不如叫佢個頭直接撞埋嚟，但最後都係覺得借位可以。」天華落水後，忍不住大呼︰「好凍呀﹗」問他可有打底？他說：「冇打底，做乜嘢要打底，我本身連底褲都冇着，家拍落水戲又唔係要我除褲，我又唔使好似秋官（鄭少秋）咁着紅底。」採訪：王崇穎 攝影：黃偉雄
謝天華與黃瑩拍攝這場胸場面，男方理直氣壯表示不感尷尬。
http://appledaily.atnext. ... art_id=12588068
