苑瓊丹和梁思浩昨日穿上婚紗及禮服，扮夫妻出席婚紗店ZaraBride 開幕儀式，大會又安排了江美儀及其男友、吳君如胞弟吳君祥擔任伴娘及伴郎。苑仔更罕有地穿上低胸婚紗，一騷其驕人上圍，不過梁思浩抱起苑仔時，差點令其婚紗移位走光。
接受老妻少夫
江美儀與君如胞弟吳君祥咀嘴，看得苑仔和思浩笑嘻嘻。
梁思浩笑言與苑仔是老妻少夫的組合，他說：「我同佢擺明係老妻少夫啦，當年我同佢拍節目整親佢隻眼，搞到佢要入院，我當時承諾佢有乜事，好似停經同更年期都會娶佢，估唔到呢一日咁快到。」苑仔覺得現時老妻少夫是很平常的事，她說：「家好興，好多老婆大過老公，係潮流。我今日咁靚，希望思浩真係娶我，唔好後悔。」思浩即時說笑苑仔是小富婆，他是一般港男。當問到苑仔是否恨嫁？她表示不恨嫁，並說：「大把人鍾意我呀，我又係行偶像，我結婚的話好多fans 會自殺。」在場記者大讚她身材好，苑仔自豪地說：「我一向都OK 㗎，係好好㗎。」在旁的梁思浩又插嘴說：「我頭先睇到佢換衫，佢冇拎嘢入去墊，真材實料。」採訪：胡比攝影：仇志德
苑瓊丹昨日穿上婚紗，罕有地展示驕人身材。
from
http://appledaily.atnext. ... art_id=12564912
