「魔術鹹豬手」肆虐娛圈，事件越演越烈，全城紛紛按爆料人苑瓊丹提供的蛛絲馬跡尋找真兇，實行全民皆估。苑仔於去年11月3日在港台節目《瘋Show 快活人》中，並無指名道姓說出「魔術鹹豬手」是誰，只道出其特徵，令一眾無線小生陳豪、馬德鐘、吳卓羲、蔡淇俊及蔡子健等捲入事件。
「一般滿足唔到佢」
事實上，苑仔當時曾在節目中爆出「魔術鹹豬手」酷愛出埠覓食，她說：「其實好多同事都知道佢有禽畜業嘅習慣，即係佢鍾意去幫襯性工作者嘅，係，佢有呢方面嘅偏好嘅，我唔知係咪一般嘅滿足唔到佢，係需要啲特殊技能、或者熟手技工，佢先得到一啲愉快嘅經歷。」事有湊巧，05年8月有報道指幾名無線小生到東莞拍攝劇集《酒店風雲》期間，捲入集體夜遊事件，而馬德鐘、吳卓羲及蔡子健也有份到東莞拍攝該劇，不過當時三人均否認有份夜遊。撰文：艾璐
05年《酒店風雲》眾演員赴東莞拍外景，爆出集體夜遊傳聞，吳卓羲、馬德鐘及蔡子健也被捲入事件。劇照
http://appledaily.atnext. ... art_id=12166332
