苑瓊丹近年大多在內地拍劇，日前接受有線節目《星級會客室》訪問，提到早前被「群插」的周星馳，苑仔大讚對方才華過人，但給予她壓力甚大，令她每次都提心吊膽地開工拍戲。她表示：「周星馳真係好叻，我喺佢身上學到好多。佢好識得掌握喜劇嘅節奏，喺佢面前我只係個小學生。試過有次佢講極我都唔明，之後佢直頭做一次畀我睇，但我都係做唔到佢嘅效果。雖然我成日口講唔驚佢，但係心入面好驚同佢合作，𠵱家都仲驚緊。」
苑瓊丹（右）說從星爺身上學到很多。劇照
懷念林正英
至於感情事，苑仔自爆年輕時曾跟不同界別的男士拍拖，提到和林正英的一段情，她沉重地表示：「我鍾意認真嘅男人，林正英做事好認真。」她又表示，很多演員都有愛上對手的經驗，只是很多都沒有發展下去，而她則與林正英發展了感情。她說：「有時我相信命運，佢離開嗰日，本來我要出去睇樓，臨出門口覺得好眼瞓，係眼瞓要即刻瞓10分鐘，發夢發到佢走咗，醒番就收到電話話佢已經離開咗。」
撰文：小米
from:
http://hk.apple.nextmedia ... 141115/18935381
