苑瓊丹昨日帶8歲狗仔「波仔」到馬鞍山出席好友楊紹鴻新書發佈會。
苑瓊丹（苑仔）有個擁有過億身家的老公黃乃揚，早前有報道指她是家中惡妻，打老公、掟鬧鐘，還要向老公提出離婚，最爆是她公開表示不介意老公「去滾」，苑仔的出位言論成為佳話，昨日資深電視人楊紹鴻在馬鞍山宣傳新書《一起走過的日子》，書中訪問33位藝人，苑仔亦在其中。
林正英離世18年，苑仔與他的情史近日再成熱話。
資深電視人楊紹鴻推出新書《一起走過的日子》，圈中好友現身支持。
「真心付出過」
會上苑仔大讚楊紹鴻：「佢對人好好，在生問候，走咗會問米。」楊紹鴻笑說：「我最近問正英（林正英），佢叫我問候你，一般性生活愉快嗎？」苑仔聽罷即哈哈大笑：「真係有心，我寫完會燒畀佢睇。」
當年林正英跟苑仔因拍楊紹鴻監製的《殭屍道長》日久生情，楊紹鴻在林正英離世後，曾經問過苑仔可有想念對方？楊紹鴻在書中引述苑仔：「沒有想念，只有懷念。兩個人在一起，只要真正開心過，真心付出過就夠了。當然，誰不希望天長地久呢？」
苑仔被好友楊紹鴻踢爆心中的秘密，全不介意的她笑道：「我使乜人爆？我從來自爆。」苑仔被問到會否想出有關夫妻相處之道的書，她說：「我縱橫情場多年，見盡唔同類型嘅男人，點對付佢哋，我心中有數；但點樣做好自己先至修成正果先最重要，所以如果真係出得成書，書名就叫做《修成正果》啦！」
老公不駁嘴
現場有人提議苑仔找老公寫序，苑仔說：「可以，識我嘅人都可以寫序。如果佢寫，可能只係寫兩個字：『八婆！』」霸氣的苑仔又指老公不會駁嘴：「佢邊夠我鐵嘴雞犀利？佢係好聰明嘅人，知幾時出聲幾時唔出聲，咁樣先至係相處之道。佢好識運籌帷幄、幾時講嘢。」
採訪、攝影：馬建華
from:
http://hk.apple.nextmedia ... 160525/19625768
