魔術師呢個職業喺香港越嚟越愛歡迎，o依家電視台都有唔少魔術節目，而魔術師都轉趨明星化，不過名氣越大就越易惹是非。
劉謙
華人魔術師代表唔可以唔講劉謙，佢除咗變魔術出名之外，佢喺2011年被踢爆同李蘊拍拖都令佢喺香港變得非常聞名，有指佢哋喺《魔法擂台》認識而撻著，不過戀情只係維持咗11個月就告終。劉謙去年同內地富三代千金王希怡結婚後，李蘊接受訪問講到當年同舊愛分手，佢突然爆話：「每對情侶分開一定不開心，亦唔會好和平，但已過去兩三年，應該淡忘。」暗示當年分手並不和平。
甄澤權
講到香港魔術師代表人物之一嘅甄澤權，為大台打過唔少魔術節目，而佢喺今年10月被律政司入稟區域法院指佢涉拖欠學生貸款超過10年，追討貸款連利息及行政費共逾33萬元。
而佢亦即時回應事件，認自己有疏忽同責任，又指自己喺07至15年間，已向政府繳交超過港幣10萬貸款，喺去年曾經以書面向律政司要求，改以每月繳交港幣4,500，但之後律政司未有回覆還款安排，所以出現還款空白期。而事件後佢亦清還欠款。
譚永銓
香港魔術家協會會長譚永銓（Albert）曾經為大台《魔法擂台》做評判不過就因為咁而惹是非，事關節目中其中一個參賽者李浩鋒係比賽後拍片，聲稱遭判評侮辱，而其一支矛頭直指Albert。而事件仲引起網民迴響，仲上載佢唔少失手片段，而Albert仲被網民笑稱佢係「魔法洪金寶」。
from:
http://hk.apple.nextmedia ... 161213/19863768
