楊思琦：我講多錯多「唔講喇！唔關自己事，唔評論，費事講多錯多！」
無線鹹豬手事件愈辣愈㷫，早前官恩娜大爆當年拍《酒店風雲》時，某女藝員遭同劇已婚男藝員借醉上下其手，再次掀起軒然大波。事後官恩娜不但發聲明玩失蹤，就連之前「爆大鑊」的苑瓊丹，一樣要封嘴。
不過，電視台的淫亂史卻愈禁愈旺，繼周刊大爆娛圈4 大蕩花後，無線一位資深的幕後工作人員，亦向本刊大爆電視台有8 大蕩花6 大鹹豬手，連一眾潔身自愛的小生、花旦亦被拖落水，人人自危。
吳文忻：驚冇得撈收聲
「鹹豬手就聽過好多年，好可悲，大公司文化係咁，女藝人受辱都要啞忍。離開無線後，我都試過拍特輯時俾人抽水，但公司叫我唔好搞大件事。藝人驚冇得撈，梗會收聲啦！」
唐文龍：話冇就呃你
「鹹豬手呢啲嘢，話冇就呃你啫，都試過有女仔同我呻，唔止一個
。我都勸過佢同導演投訴，但佢哋最後都唔出聲，咁公司都幫唔到忙㗎！至於蕩花，我就冇遇過。」
陳浩民：係咪錢嘉樂呀
「我依家好少喺香港，未聽過咩蕩花喎！喺《封神榜》係有同苑仔合作。我當時係男主角，不過唔係嗰個男主角，咁耐之前都唔記得喇，總之唔係我囉，係咪錢嘉樂呀，哈哈……」
官恩娜潛水
官恩娜因為再爆鹹豬手事件搞到一身蟻，有傳無線震怒，以「永不錄用」嚴懲！而官則玩潛水唔見人，唔再回應事件。
聲明的內容強調事件與被傳牽涉入內的男藝員無關，並向無辜牽涉入內的藝人致歉。
胡定欣「我都係拍劇識Ella （官恩娜），唔知佢點解咁講，但佢講嘅唔係我，佢身材好過我！」
馬德鐘「希望唔好再搞呢啲是非，同佢（Ella ）好耐冇見，唔知佢依家乜嘢心態，要見面問下佢。」
郭政鴻「我唔知佢（官恩娜）呢個舉動乜嘢意思，我真係冇做過，同佢朋友都冇得做。」
周家怡「真係冇發生過，如果有發生，我一定夠膽講。」
《酒店風雲》演員紛紛避嫌
樂易玲代發聲明
10 月9 日，無線製作資源部總監樂易玲（圈）代官恩娜發聲明。之後記者再找樂易玲回應鹹豬手及蕩花事件，但call 了她多次，至截稿前仍未回覆。
據知扮cute 港姐與得寵主持當晚一撻即喺，在夜場又攬又錫，又提早走人有下場！
扮cute 港姐生擒主持
女藝人要上位，就要識得跟紅頂白，有位出名嗲聲嗲氣嘅新晉港姐，樣靚身材正，加上成日扮cute ，令到唔少小生暈大浪。
其實選港姐前，扮cute 港姐已經有個要好男友，不過選港姐拍劇後，佢就飛咗男友，更向外宣稱自己單身，並且頻頻向導演放電搵機會。1 月尾無線喺龍堡餐廳搞咗個飯局，席間有人見到扮cute 港姐同得寵主持眉來眼去，鬼咁好傾，之後仲齊齊跟大隊去咗夜場新basement 繼續狂歡。
喺夜場里面，扮cute 港姐同得寵主持幾杯落肚，兩個面紅耳熱，之後就齊齊坐喺暗角位又攬又錫，仲變成一條脆麻花，扭埋一齊，啜到咁上下仲齊齊提早離場，睇怕佢哋都係「有下場」。其實得寵主持一向雜食愛溝女，最近仲同圈中純情玉女分咗手，咁岩俾佢遇喺扮cute 港姐，真係姣婆遇喺脂粉客，鬼唔一撻即喺咩！
高海寧/ 馬賽 高海寧（左）與馬賽都是新晉港姐，同樣擁有一張孩子臉。
徐淑敏 徐淑敏剛與男友分手，感情真空，發展新戀情的機會大。
何傲兒 何雖然是今屆落選港姐，但卻受無線力捧，在《Click 入黃金屋》中擔演一角，據聞她
高層有一手。
嫌疑人物
00 年阿佘與張智霖拍《十月初五的月光》，有傳兩人撻喺，靚靚當年還親到場地睇實男友。
07 年，陶大宇與郭羨妮拍《學警出更》，之後男方宣布與老婆分居，郭羨妮被傳介入陶大宇婚姻，之後郭避走美國散心，兩人亦再見不是朋友。
梁靖琪與苗僑偉去年到寧波拍《歲月風雲》，被拍到拖手照惹來婚外情疑雲，但兩人以父女相稱力抗緋聞。
宣萱02 年因拍《流金歲月》與羅嘉良傳戲假情真，更捲入羅嘉良婚變事件。
拍劇易傳緋聞
大食姣精最愛車震
大食姣精身邊男友氹氹轉，每次拍劇差唔多都會傳緋聞嘅佢，對男人絕對係寧濫莫缺，尤其佢成日要去外地拍劇，日對夜對下，大食姣精又點會唔餓虎擒羊啫。
苑仔爆大食姣精曾生擒中生︰「食飯永遠見佢哋坐埋隔籬，仲有千祈唔好跌匙羹，如果唔係實見佢哋大髀一定黐埋一齊。」
貼大髀都唔止，兩個仲喺酒店搞嘢搞到拆天，苑仔描述兩人有次返大陸拍外景，返回酒店房親熱時，嘈到隔籬房嘅佢都冇覺好訓︰「成晚聽到好大嘅撞擊聲，床頭
聲……之後一陣就狂風掃落葉咁，聽到將嘅嘢砰
掃落地……可能出去（外景）太耐冇食飽，第一餐
……估唔到中生咁好力。」
其實，大食姣精仲有鋪屈蛇癮，佢最鍾意匿喺嘅小生架車嘅後座，然後跟人返歸食大餐，或者索性車到去嘅偏僻地方玩車震，話咁樣先刺激，偷歡都零舍開心喎。
變態狐狸專撬牆腳
之前苑仔曾經爆過變態狐狸惡行，變態狐狸外表斯文，平時亦談吐得體，唔知仲以為佢係淑女，不過其實佢嘅私生活真係亂過亂葬崗。苑仔話變態狐狸最鍾意介入人哋嘅戀情，尤其嗒糖嗰嘅有婦之夫。佢話變態狐狸曾成功引誘咗一個男星拋棄妻子後，就反轉豬肚，即刻同個男人分手，因為個遊戲已經得番兩個人，唔好玩喎！
最抵死嘅，係佢搶人老公都不特止，仲要訓喺人哋張大床度，然後打電話俾人哋老婆示威︰「我依家訓咗你張床。」最毒女人心咪就係呢啲囉。
其實唔少小生都死過喺佢手上，包括一個健康膚色嘅小生同一個風流小生。
童姥成日落吧
仔，與幕前乖乖女形象兩個樣。
平胸童姥夜場搵食
被嘲洗衫板嘅平胸童姥，外表斯斯文文，其實內里open ，近年佢都冇咩嘢撈，得閒上吓遊戲節目。唔知係咪太悶關係，佢一星期可以蒲足五晚，仲要次次都喺得鬼咁少布，一副戰鬥格，總之佢一見到嘅可以幫佢上位嘅男人，就會黐實對方。咁當然佢唔會放錯電，皆因佢目標為本，次次同佢有一手嘅，唔係有米之人就係大導演。去年11 月，就有行家見到佢同圈中肥導演齊齊喺IFC 出現，擺明想泊個好碼頭。
嫌疑人物
戴夢夢（左）、文頌嫻（下）與唐寧（右），雖然已在電視圈打滾多年，但仍然擁有一張孩子臉。
無線上下封口
自從無線下令叫藝人收口之後，眾星不但守口如瓶，無線更出了「採訪新安排」的通告，規定除了宣傳活動，不准記者出入大樓採訪，看來是怕有人再暗中爆大鑊。
2 月11 日，記者到TVB 採訪時，無線出memo 不准記者隨便進入演藝大樓內採訪。
薛家燕︰唔係咁複雜
我唔想再聽到呢啲新聞，其實娛樂圈唔係咁複雜，唔好講到咁污糟邋遢。最近咁多新聞，好多藝人都無辜牽涉落去，上一次就男藝人，今次就女藝人，唔應該再去講。
錢嘉樂：風氣唔好囉
我覺得只係傳，點會有啫，除非講到明係邊個，大家唔使估估吓。呢個風氣唔係咁好囉，當笑話聽完就算啦！其實身為藝人都好大壓力，依家搞到男又驚、女又驚。
羅嘉良：唔驚牽涉在內
我都知道有關報道，不過冇睇內文，希望件事快嘅完啦！我唔驚牽涉在內，好似我前幾日同陳敏之都有場kiss 戲，我哋之前傾好晒個動作，快靚正一take 過。如果成日都話有咁嘅事，當事人都會報警啦！
劉綽琪：都有聽過嘅
呢啲嘢（鹹豬手）都有聽過，不過我就冇試過，有時攬吓錫吓都係禮儀啫！
視界六大鹹豬手
除了「魔術鹹豬手」外，姐仔私下竊竊私語，曾封了幾個老油條甘草為電視台六大鹹豬手，並叫同行女藝人小心遭殃。
大眼甘草愛抽水
大眼甘草喺電視台打滾三十載，雖然外表忠厚，個個人前都俾面叫聲佢XX 哥，但據幕後人員透露，大眼甘草係鹹豬手之首︰「嘅女藝員好怕同大眼甘草合作，一收到劇本知道同佢有同場戲，就會叫苦連天話：『唉……又同佢合作呀！賴嘢！成日都挨挨傍傍，今次又唔知俾佢借嘅意摸邊度。』
大眼甘草與阿七經常拍古裝劇，乃TVB 老臣子。
阿七愛摸手仔
而另一位鹹豬手又持住自己喺個圈撈得耐，成日對住班妹妹仔一副老行尊口
，表面就好似教新人做戲，其實佢好鍾意搭住嘅靚妹膊頭，講多兩句就摸吓靚妹嘅手仔，阿七仲會讚佢哋：「你隻手仔好滑喎！用咩cream 㗎？」
鬍鬚佬錫完鬧
鬍鬚佬鹹濕就全世界都知，佢把口賤到無倫，當年有女星投訴佢偷吻，佢走入化妝間嘈晒咁大罵：「我使唔使偷錫你呀！你估你係邊個呀！你以為自己青春玉女呀！」搞到個女星喊晒口，博人懵仲聲大夾惡，真係夠晒賤格。嗰次之後鬍鬚佬嘅淫行都檢點咗一陣，之後佢拍劇就唔夠膽再鹹豬嘴，最多都係乘機摸吓啫！
三線綠葉有份拍攝《鐵血保鏢》。
三線綠葉
三線綠葉揸胸
三線綠葉係亞視出身轉投無線，撈咗成廿年都係撈埋嘅律師、老師閒角，幕後爆料話：「佢有單嘢好多人都知，嗰時無線仲喺清水灣，有一日佢同個讀緊訓練班嘅女仔一齊收工，兩個人一齊搭
時，三線綠葉突然對個女仔講︰『我想溝你好耐，你受唔受溝先？』個女仔擰晒頭話對佢冇意思，三線綠葉竟然一手揸落女仔個胸度，嚇到個女仔以後唔敢再返工。」
鹹濕監製淫嘴
鹹濕監製齋睇個樣都成個鹹濕佬咁，其實佢真係一個大鹹蟲，每次佢做完節目都好鍾意拖一班女去明星酒吧，佢會同嘅女仔講︰『去啦，落去介紹嘅唱片公司老闆、高層你識，做呢行識多個人都好㗎！』佢用到呢個藉口，點會冇女跟佢去呀！落到夜場，佢會自隊幾杯先，然後再叫嘅女仔飲。佢一隻手摸住酒杯，另一隻手就會不其然咁搭住個女仔膊頭，然後慢慢向下掃。佢最鍾意扮醉，趁住嘅女仔冇防範，就一嘢嘴埋去，好多人都想鬧佢，不過又怕得罪佢驚冇得撈。
白頭有鋪拍波癮
白頭拍劇就拍得少，不過佢做好多主持同做過好多旅遊節目，幕後爆料者話：「唔好睇白頭外表正人君子咁，其實佢有個怪癖，好鍾意一手拍落嘅女藝員個心口，好似嗌你咁，『喂！』好多人賴過嘢啦！」
思浩形容撞破女星與男星打茄輪時十分尷尬，所以沒有入
。
梁思浩撐苑仔爆料是想替被鹹豬手抽水的姊妹出氣，但他卻堅拒透露C cup 舞娘身份。
C Cup 舞娘咀爆男星
一向敢言的梁思浩，除了大爆變態狐狸惡行外，早前曾爆過一位近年淡出娛樂圈的C Cup 舞娘，她早年曾與一名圈中有婦之夫的有名男藝人玩婚外情，C Cup 舞娘身材惹火，一身舞藝精湛。
原來當年C Cup 舞娘與梁思浩住埋又一村同一座大樓，兩人見到面都會打吓招呼。有次梁思浩深宵歸家，當大廈
門一打開即令佢嚇咗一跳，皆因C Cup 舞娘同有名男藝人竟然喺
度打緊茄輪，仲陶醉到完全睇唔到佢。當時梁思浩見到咁嘅情況，當然尷尬到冇入
啦。
近日記者再致電梁思浩，他卻不願多談，只謂︰「依家太多風風雨雨，自己唔想再捲入是非，都係唔再講
。」
嫌疑人物
不少女星曾住過又一村，張慧儀（左）及楊恭如都曾是又一村居民。
無線每年都會製作旅遊特輯，97 年關寶慧曾與王喜、李家聲拍攝旅遊特輯。
99 年，鍾麗淇、蔡子健及鄧健泓曾到高山區拍攝特輯。
崔建邦、郭羨妮及梁榮忠，07 年曾到大陸拍攝《勇闖玉珠峰》。
警花見男藝人唔落疊，連幕後人員都殺，真箇飢不擇食！
演藝警花荒山野戰
電視台唔少藝員都係演藝學院畢業，至於呢位演藝警花，單睇表面，以為佢男仔頭兼個性硬朗，其實佢性饑渴得幾厲害，平時都會蒲吧
仔。多年前，佢同大隊去拍攝旅遊特輯，一去去足十幾日，你估佢點樣解決生理需要呢呵？
佢咪惟有向同行男藝員出言挑逗囉，之不過男藝員唔肯落疊，佢就飢不擇食，連幕後人員都唔放過。聽講去到嘅「山卡啦」地方，周圍冇酒店，大隊要架起帳幕棲宿，不過演藝警花完全唔介意喺帳幕解決性需要，同幕後人員大戰七七四十九個回合，叫床聲震遍原野。可能因為喺荒山野嶺，令佢哋獸性大發
！
大眼富婆有錢冇碇使，咪搵嘅壯男嚟滋潤吓囉。
大眼富婆專嗒壯男
咪以為大食只係後生女專利，電視圈有個非常熟女，正值狼虎之年，尤其愛嗒壯年小生，大眼富婆恃住自己大把身家，直情包起小生，仲玩埋金屋藏壯男。佢出手好闊綽，只要
得佢開心，一個月幾十萬就可以袋袋平安，難怪有唔少小生落疊。
大眼富婆仲有鋪癮，就係鍾意同人分享佢嘅性樂趣，藉此炫耀佢嘅魅力。曾經有個大隻小生跟咗佢一年多，見搵夠就想終止關係，但係佢同人講
大隻小生，因為佢不但持久力強，仲花式多多，所以最後佢願意俾多一倍價錢包小生，名副其實用錢洩慾。
整容冠軍凸點誘男
依家好多選美出身嘅佳麗，入行前後都會去整容醫生度執一執個樣，力求完美，而一位選美冠軍，一入行已經一副戰鬥格，整容谷胸影落唔少性感照，又好識
老細，不過搵老細之餘，佢都唔介意同拍劇小生打友誼波。
呢位整容冠軍同活躍小生返大陸拍劇時，就經常向活躍小生請教演技，咁活躍小生見有靚女埋身，當然來者不拒，而整容冠軍知道活躍小生鍾意飲番兩杯，仲特登買咗幾支紅酒送俾男方，話多謝人哋教佢做戲，仲叫埋大班同事去男方嘅酒店房暢飲
。
整容冠軍趁住活躍小生出外買外賣，就返自己房除咗個bra 再返回男方房間，嘅工作人員個個都俾佢凸點嘅身材吸引住。咁當然，活躍小生亦難逃呢個飛bra 起釘催情局，自此兩個咪搞埋咗囉。不過呢段情都係玩咗年幾，整容冠軍後來都係發覺搵老細緊要！
嫌疑人物
葉翠翠、陳茵媺及葉璇，三個選美冠軍都曾被傳整容，更全部是靚樣身材正。
吳君如：世界乜都有
蕩女、鹹豬手？唏！呢個世界乜都有，唔止喺娛樂圈。唔想講
！我之前喺節目講咗啦！呢個題目too old 。
李香琴：大聲篤佢出嚟
我拍粵語長片時冇呢啲嘢（鹹豬手）不過依家拍劇都唔覺，有我琴姐喺度，邊個夠膽亂嚟。不過如果遇到呢啲衰人，一定要大大聲篤佢出嚟。
吳卓羲︰攬攬係禮貌
我冇聽過，本身我唔係女仔，呢啲事發生都唔會由我去講，奇奇怪怪咁，4 大咩……蕩花我真係冇聽過。咩鹹豬手？有時見到好耐冇見嘅人都會攬一攬，呢啲係禮貌，毛手毛腳我就好小見到。唔關自己嘅事就唔應該去講，令到風氣好烏煙瘴氣，沒完沒了，我哋應該講番嘅正面嘢，例如《學警狙擊》出街就一定要密切留意。
甄子丹：係好小撮人
咩蕩花我冇聽過，而嗰嘅所謂鹹豬手，可能只係一小撮人啫，我喺電視嘅日子短，唔多覺有呢啲人喎！
吳家樂︰我冇興趣聽
你問苑仔嘛！我冇興趣聽，我覺得唔應該再講，要講真係要搵當事人講，件事一日都唔搞清楚，最好都係問番當事人，我哋唔應該講太多假設性嘅嘢。
伍詠薇：我record 好好
我都係睇新聞先知，冇乜意見！我本身record 好好，不嬲行得正企得正唔會避忌。呢輪忙拍劇冇睇報紙，所以唔係太多感受。
蔡少芬︰我趕住入廠
「我冇睇喎！我依家趕住入廠對稿。」說罷即急急腳入廠。
網上熱話
電視台的鹹豬手事件，在網上討論區成熱門話題，激烈討論，亦有網友猜蕩女是誰。
撐講出真相
不少網友撐苑仔見義勇為，反而對TVB 的「家醜不得外傳」做法不甚認同！
開Topic 討論在討論區內，關於鹹豬手事件，有近廿個題目被熱烈討論。
再爆醜聞不少網友將以往雜誌出過的
名爆醜聞再放上網。
熱估4 蕩花
至於最多人熱估的則是近日的「4 蕩花」話題。
