張慧儀7年前喺北京收養咗患有先天性心臟病嘅囝囝Hanson，舊年仲帶佢返香港生活，雖然慧儀忙於頴銀養家，但佢冇話唔陪囝囝，好似早排佢就帶Hanson返自己大馬怡保娘家旅遊探親，又同囝囝參觀香港科學館同歷史博物館，儘量令囝囝每日都過得開心同充實。
Hanson對科學館所有嘢都相當有興趣。
「佢話唔需要爹哋」
慧儀日前話：「我喺馬拉有兩間屋，嗰邊地方大，好多人同阿仔玩，又可以俾佢試嚇同其他人溝通相處。」慧儀話Hanson唔能夠太劇烈活動。佢話：「我抱佢返嚟嗰時，醫生已經同我講佢唔會長命，叫我有心理準備，其實佢可以活到今日，已經算係奇蹟。手術係要做，但風險太高，既然佢𠵱家好地地，就唔做手術住，真係睇到佢狀態下滑嘅時候，先幫佢博（做手術）。」
會唔會幫囝囝搵個爹哋？慧儀話：「我完全冇呢個心。其實我有問過阿仔，佢都話唔需要！」
撰文：馮仁昭
from:
http://hk.apple.nextmedia ... 141024/18910046
