謝天華飾演的Laughing昨晚在全城關注下，終於在《學警狙擊》大結局最後一個鏡頭再度現身，穿上軍裝制服的他拋下一句「記住我，Laughing Sir 」就此作結，坊間對此安排劣評如潮，有觀眾直言結局草率，狂插「唔明無
想點」。但監製黃偉聲解釋新結局是「想留想像空間畀觀眾，畀大家一個回憶」。
昨晚除周海媚及江若琳缺席外，大部分《學》劇的台前幕後均有出席飯局。天華談到Laughing 翻生時，只肯作有限度披露，他說：「我都唔知我喺邊個位出，我會著住警察制服出現。（做乜？）梗係做警察做嘅嘢，唔通買餸咩！無
今次都幾破格，順應網民意願，係件好事。我未收到通知要拍第四輯，Laughing 帶挈咗我咩？咪啲攬女封面。（係咪破《家好月圓》收視？）都唔同劇種，（有冇信心年尾頒獎禮？）言之尚早，但網民已經頒咗第一個獎畀我，商場搞直播好，感覺好似世界盃。」
斷背戲被cut
苗僑偉則說：「我出最大份……酒呀，我叫咗佢哋全部唔好
車。（風頭被搶？）冇所謂，每個角色都好出，Laughing 更出，鍵鋒、卓羲都做得好。（係咪想贏《家好》？）《家好》係師奶觀眾，《學警》係後生仔，好難比較，商場直播有搵我哋，但太遲囉，不過有回響已經開心。」
陳鍵鋒亦稱：「Laughing
一分鐘戲會好精彩，可惜cut 咗苗僑偉同金剛
啲斷背戲。《學警》不嬲兩年拍一輯，我估第四輯最快都兩年後。」吳卓羲則說：「我殺Laughing 收視輸咗畀苗僑偉殺周海媚，好失望！（阿苗讚你喎！）多謝！我好鍾意殺Laughing
幕，有咁多觀眾鍾意個劇已經開心，都冇話邊個搶邊個風頭。」
商場搞直播
Laughing掀起全城熱講，奧海城、荷里活廣場昨晚更在商場搞直播，而觀眾周女士及阿傑均異口同聲支持Laughing 復活，認為好人應有好報。荷里活廣場於接近十時許一度出現三分鐘訊號故障，在冇聲冇畫情況下，引起觀眾鼓譟，部分更憤而離場。奧海城則以擲公字方式決定三百位街坊入場睇結局，現場更備有很多小食，可謂照顧周到。
當Laughing 出場，有觀眾興奮大叫，但當結局播畢一刻，有觀眾直斥「想點呀？齋補拍個咁嘅鏡頭就算」，有人亦謂「無
安排牽強，都可以接受」。
文：影視組
謝天華憑Laughing 一角熱爆全城，就連講電話都擺甫士，直情Laughing 上身。
Laughing 在結局一分鐘穿上制服現身。 （無線圖片）
《學》劇叫好叫座，台前幕後均心情興奮。
雖然苗僑偉與金剛在劇中的斷背情被刪，但他們即場演繹，非常搞笑。
大批市民在奧海城等Laughing 翻生。
