徐子珊去年加入影壇後成績有目共睹，今年她誓要成為歌、影、視三棲，目前正準備為首張個人EP 錄音，子珊近日除了錄歌更積極練舞，雖然本身有舞蹈底子，但唱片公司希望為子珊打造成女人味舞后，故她覺得最難就是要穿高跟鞋跳舞。
徐子珊自從04年參選香港小姐以大熱姿態勇奪冠軍後，一直獲得無綫力捧，劇集一部接一部，去年更憑電影《跟蹤》獲得最佳新人獎，入行短短數年已獲得各方肯定，今年子珊再以新人姿態加入樂壇，稍後將會推出首張個人EP ，她說：「其實家仲未知幾時會出碟，預計5月左右，目前主要揀歌同錄歌，成張EP 會有四首廣東歌同一首國語歌，暫時錄咗兩首，有一首快歌已經派咗上電台播。」
04年港姐奪冠後，子珊去年更成為金像獎最佳新人。
舞蹈底子深厚的子珊，曾穿上高跟鞋跟林峯大跳辣舞。資料圖片
歌手感覺孤單
徐子珊多次憑舞技突出自己，今次更希望成為樂壇舞后。
子珊自選美後多次以新人姿態嘗試不同工作，但她表示做歌手比當演員更為孤單，她說：「做歌手比較孤單，因為要一個人入錄音室，唔同做演員一大班人去拍劇，不過兩者都有一樣嘢相同，就係唱歌同演戲都係一樣，對我有信心嘅人多過我自己對自己有信心，因為好多嘢自己都未做過，所以都會好冇信心，其實好正常，所以今次唱歌希望大家會接受到，對我嚟講已經係好成功嘅一步。」
邊唱邊跳最難
今次子珊主要以快歌加勁舞殺入樂壇，雖然跳舞對她來說可算駕輕就熟，但邊唱邊跳總算有一定的難度，她說：「邊唱邊跳真係好難，因為用氣好唔同，家每次排舞我都會唱住嚟跳，而且今次我仲會着高踭鞋去跳，因為唱片公司希望我唱快歌得嚟都有比較女人味嘅一面。」對於第一首歌《讀心術》正式派台，子珊自言相當緊張，幸好外間反應不錯，令她放下心頭大石，她說：「反應都唔錯真係好慶幸，fans 仲話好期待個MV 播出，所以家都會有少少緊張同壓力。」採訪：王崇穎攝影：陳慧安髮型：Debby Kwan of HAIR服裝：French Connection化妝：Chris Chau of Zing The makeup School
徐子珊今年以新人姿態闖入樂壇，希望在電視及電影之外振翅高飛。
from
http://appledaily.atnext. ... art_id=12551246
