成班新晉歌手噚日去咗鑽石山廣場，出席一本雜誌嘅頒獎典禮，一大班歌手嘅支持者一早就霸晒位影靚相，搞到現場不知幾熱鬧。大會前前後後頒足29個獎，人人有份，真係皆大歡喜啦。其中傅穎（Theresa ）嗱到個「感性人氣女歌手」，馮仁昭同班行家笑佢係性感唔係感性，佢就話感性岩自己多啲，又話本身唔係行性感路線喎。
有巨肺新人之稱嘅G.E.M.嗱卓越唱作演繹女新人，可以話係實至名歸。
鍾舒漫悉心打扮領獎，不過原來佢唔記得帶鞋嚟換，結果要臨時買新鞋。
衞詩掃兩獎
衞詩同應昌佑一齊出席頒獎禮，兩人連掃三獎可喜可賀。
Theresa 又話空氣差搞到鼻敏感病發，佢話：「而家連耳仔聽嘢都唔係好清楚，新碟爭一首歌都錄唔到，今次醫生畀我隻藥已經最犀利，如果都唔得就可能冇得救，到時要移民唔住香港喇。」至於衞詩（Jill ）就嗱「矚目人氣女歌手」同埋「舞台型格女歌手」，阿Jill 話嗱呢兩個獎搞到自己好似好有型咁，又話新歌希望可以重唱偶像Sammi 鄭秀文嘅快歌，仲自爆做Sammi 演唱會嘉賓過陣緊張到眼尾都唔敢望人，俾同事笑咗一餐。
傅穎嗱感性人氣女歌手獎，不過因為嚴重鼻敏感搞到連上台唱歌都唔得。
from
http://appledaily.atnext. ... art_id=12077331
