科技雖然發達，但仍未可以長生不老，不過人類已經不停諗方法，希望延年養生，當中靠靚樣搵飯食的藝人，以及城中富豪，就特別注重自己的外表。
坊間雖然有好多抗衰老方法，但究竟邊樣先最有效呢？不如請一班keep 得非常好的藝人同富豪，公開他們的抗衰老秘方。
53歲的視后米雪，多年來都keep得非常好，看上去比實際年齡年輕起碼十幾年，她說首要條件是保持心境年輕，笑容多些人自然會靚多一點。不過，除了心境外，原來米雪都有其他法寶，不論飲食、護膚同運動她都有一套保持青春的秘方。
23歲 睇番米雪30年前的舊照，同現在相比雖然未至於歲月不留痕，但係改變唔算好大，無論身形同樣貌都冇乜走樣。
自製面膜米雪表示護膚一定不可以懶，她一有時間便會自製天然面膜。先在面上敷上熱毛巾，等毛孔張開後，將檸檬、蛋白加麥皮粉混合而成的面膜敷面15至20分鐘，再利用麥皮粉當作磨沙一樣，按摩面部5分鐘去除角質層，
洗乾淨後照常做一般護膚程序便可。44歲的劉美君曾表示，平日只用麥皮加水洗面，也能保持皮膚彈性。
皮膚科醫生陳衍里表示，檸檬對保持皮膚年輕有一定功效，「檸檬有果酸成分可以刺激皮膚同埋去除死皮。」中醫師杜宇春表示，麥皮含多種維他命，有滋潤皮膚作用。
花旗參甘草水
黑芝麻粉、合桃粉、蜜糖
水
湯水調理身體米雪每日都會用不同藥材
水或者煲湯來補身，採訪當日她就帶了花旗參甘草水，「平日為咗方便我會帶定啲黑芝麻粉、合桃粉嚟沖蜜糖水，又或者用紅棗同桂圓肉
水飲，另外有時都會叫工人煲定無花果、南杏、北杏、雪梨、淮山、雪耳加瘦肉湯，等我返工前或者放工返到屋企飲。」中醫師杜宇春表示，米雪選用的藥材，有一定抗衰老功效，「黑芝麻、合桃都有滋潤皮膚嘅作用，紅棗同桂圓可以安神活血，而雪耳嘅膠質令皮膚更有彈性，個湯可以止咳化痰健脾潤肺。」
自創踢籮功米雪除了會去打高爾夫球外，仲會利用等埋位的空檔來做運動。「等埋位嘅時候，我一係會訓一陣，一係就做吓拉筋同踢腿呢類運動，我會用後腳踢上去自己個臀部，咁樣嘅肌肉會結實嘅，腰骨可以挺直嘅。」
抗氧化就能抗衰老近年經常聽到「抗衰老」與「抗氧化」，究竟兩者是否一樣的呢？關嘉美醫生表示，兩件事是有關連的，「總括來說抗氧化就能抗衰老，細胞隨住年齡增長，受好多外來事物同環境侵害，有紫外光、空氣污染、休息唔夠、壓力同煙酒毒品等外來因素令細胞衰老，衰老過程會令細胞氧化，我哋可以用抗氧化物品去延遲細胞衰老，但唔代表會完全唔衰老。」她更表示人應該及早抗衰老，到老來幾十歲才抗衰老，那時細胞已經無法修補。衰老不單止是看皮膚是否夠滑有彈性，而是全身器官包括心臟、肝臟等是否運作正常。可做帶氧運動如跑步游水，及從日常飲食方面抗衰老。
謝賢 自摑百下免鬆弛72歲嘅四哥謝賢，身形與樣貌都可以保持年輕，原來是有獨門秘方。乖女謝婷婷向記者大爆四哥靠自摑keep 住靚樣，「爹哋除咗經常游水keep fit 外，仲每日喺塊面度至少打一百下，佢話可以令到皮膚冇咁易鬆弛，仲將呢個方法介紹俾身邊嘅朋友
！我就未試過，可能年紀大嘅會試吓嘅！」
08年
08年
00年
00年
楊受成楊貫一睇抗衰老名醫其實抗衰老並非女性的專利，年屆63歲的英皇集團主席楊受成，亦一樣好注重。楊受成在圈中出名精力充沛，某次他與工作人員到夜店消遣，一時興起竟即席表演蜈蚣彈，別看他年過60，這些高難度動作亦完全難不到他，當時現場很多人都即場詢問他的養生大法，但他不肯透露。
本刊得悉楊受成多年來光顧一間位於灣仔新鴻基中心的法資La Clinique De Paris 診所，該診所其中一項王牌服務是抗衰老，當中除了楊受成是名人客仔外，就連廚神一哥楊貫一亦是客人。據知服用由該診所調配的健康食品，一年療程收費約18萬，一般普羅市民未必可以「跟」得起。
楊受成和楊貫一8年前個樣，同依家真係冇乜分別，特別係楊貫一皮膚好似仲光滑咗
！
抽血去法國化驗記者聯絡楊受成，他對幫襯該診所直認不諱，他說：「嚴格嚟講，嗰間唔係診所，只係一間保健中心，保健食品都係高科技同度身訂造嘅，事先需要為我抽血，然後將血液樣本送去法國總部化驗，睇吓我體內缺乏邊嘅維他命，再因應我嘅需要而調校適合嘅健康食品，等我可以補充，從而可以延緩細胞衰老，達致抗衰老功效。」至於功效如何？他說：「呢間保健中心，我幫襯咗十幾年，梗係覺得佢好至會繼續去。」至於一年療程要18萬的收費，他說：「咁收費貴唔貴呢個問題，就見仁見智喇！」記者致電楊貫一，他承認曾幫襯這間診所，但不肯透露詳情。
要由熟客介紹La Clinique DeParis 由世界頂尖法籍美容專家Claude Chauchard 創辦，除了巴黎的總部外，分店遍及香港、東京、台灣、首爾及曼谷等地，Chauchard 醫生本身亦為荷爾蒙醫療專家，曾出版十一本專論人體衰老過程的醫學著作，迄今已銷售過百萬本。記者親身去到位於灣仔的診所，詢問有關療程，但當值護士表示只招待由熟客介紹的新症。
診所內備有不少房間接見客人，私隱度極高，至於療程的價錢，當值護士表示要因應每個客人情況而定。
石修 靠戒口60歲嘅石修，睇落只像40幾歲，他說每日都會做至少45分鐘帶氧運動，另外會注意飲食，「我好少食肥膩嘢，太鹹、太甜、有防腐劑嘅嘢都唔食，同埋我戒咗零食同汽水都十幾年囉！」
李香琴 萬元中藥補身76歲李香琴的養顏秘方，就是定期到相熟嘅中藥舖將田七、冬蟲草、丹參及藿山石斛磨成粉，分成3小樽，合共約萬元的中藥，分量僅夠食一個月。「老人家最怕腳痹手凍，我連續食咗4年幾，一嘅問題都冇，連病痛都少咗。藥粉每日兩茶匙開暖水沖服，但如果唔怕涸喉，乾粉吞食效用仲好。」
修哥 行樓梯保健76歲嘅修哥胡楓，養生之道除飲食清淡外，最重要就是靠行樓梯，「我平時去任何地方，有樓梯嘅話，一定會行樓梯，近嘅嘅地方盡量行路去，就算喺屋企我都唔會成日坐，幾十年都係咁，所以冇乜風濕骨痛，可能嘅關節活動得多。」
張玉珊益力多洗面34歲嘅張玉珊，雖然身為美容中心老闆娘，但一樣會用便宜方法抗衰老，「我嘅做法係每日洗面後再用室溫嘅綠茶洗面，
洗乾淨後照常做一般護膚程序，肌膚就可以抗氧化。」另外，張玉珊間中會用益力多去角質層，「將益力多浸濕化妝棉，然後輕輕洗面，用水
乾淨，再用番洗面膏洗面就得。我已經試咗幾年，皮膚更有光澤。」
綠茶
益力多
皮膚科醫生陳衍里表示，綠茶同益力多對皮膚都有幫助，「綠茶有抗氧成分，而益力多係一嘅冇害嘅細菌，佢嘅酸性可以幫助去除黑頭同死皮。」
那英用納米噴面41歲嘅那英，最近開始試用新產品Marie-Noelle 納米活膚噴霧儀治療，「部機會將嘅精華素變成霧水，直接噴喺塊面度，等皮膚可以直接吸收。」這個新產品將精華液經由納米霧化後，直接滲透至皮膚的真皮層，令肌膚全面吸收。而護膚精華素分為胎盤素、透明酸質、活氧水、維生素ACE 、麥胚素緊膚精華及抗充血精華等不同選擇。
現在只有修身堂獨家提供的納米活膚噴霧儀治療，每次費用$368。
場地提供：頂好海鮮酒家
胡琳自製抗氧果汁歌星胡琳每日都會自製一杯抗氧果汁，至今已飲了半年，她說皮膚同腸胃明顯有改善，「材料好簡單又易整，每朝空肚飲功效最好，我嘅皮膚水分同彈性都好過以前，不過果汁要即榨即飲，放得耐咗營養會流失，咁就做唔到抗氧嘅作用。」
青蘋果提子薑蜜材料包括青蘋果、黑提子、蜜糖及檸檬薑。青蘋果含有「果膠」，可降膽固醇，預防膽結石，而黑提子能增強抵抗力且抗氧化能力高，把所有材料放入攪拌機內加水即成。
抗氧之最早前港台與一間科研機構對多種蔬菜和水果進行了測試，證實葡萄籽的抗氧化能力大大高於其他富含維他命C和維他命E 的食品，而菜心的抗氧功能是蔬果中之最。
紅酒用葡萄釀成的紅酒經過發酵，抗氧能力得以提高。有關的抗氧化學物存於葡萄的表面，名為白藜蘆醇，白藜蘆醇一旦與輻射射頻結合，能達致抗癌的效果。紅酒所含的數種酚類物質，如單寧、紅色素以及黃色素等抗氧化物，可以消除體內的自由基，也具有抑止心臟疾病的功效，單寧更有延緩衰老的作用。
菜心菜心屬綠葉蔬菜，含豐富維他命C ，其抗氧化能力，比西蘭花還要高得多。
$380一公升（好東西，銅鑼灣耀華街24號地下）
杞子都抗氧澳洲一項研究發現，杞子汁有對抗紫外光、預防皮膚癌的作用。杞子所含的抗氧化物，可保護身體的免疫系統，減少癌細胞。
據知杞子中最重要的成分是四個活性獨特多聚糖（LBP1、LBP2、LBP3和LBP4），而人體的每個細胞利用活性多聚糖來製造存在於細胞表面的醣蛋白，而醣蛋白確保各細胞吸收需要的營養、排掉壞的垃圾。
現時市面上有一種杞子汁，選用了喜瑪拉雅山優質新鮮杞子果實，加上獨特的提煉技術，把杞子極具價值的營養精華保存下來，1公升的杞子汁與兩磅多的新鮮杞子果實所提供的多聚醣分量是相等的。採訪、撰文：娛樂組
攝影：鄭家駿、陳志輝、梁幹持
