扭蛇腰
平時冇乜聲氣嘅9台灣美眉賴琳恩，響亞姐決賽下篇連環發功，先舞出一段辣身舞，票數即時
升，台妹原來有後著。
而家台風勁hit ，唔理乜水，只要係揸台灣Passport ，棒仔美眉經天鄭元暢，成班港仔港女聽個名已經暈咗！
一向主打外勞嘅亞姐，今屆亦有參加過台灣綜藝節目《我愛黑澀會》嘅美眉賴琳恩參選，樣貌唔係索爆，不過有「人妻美眉」之稱嘅賴琳恩勝在嗲功強橫，又跳冧仔舞又飛吻，全港電車仔出力撐，send 爆SMS 支持，99倍大冷馬即時變季軍，港女危呀！
亞姐一向騎呢，不設年齡上限走出個宮雪花，前年又跑出個英文中文乜都唔識嘅烏克蘭佳麗舒夫真高，今屆繼續玩嘢，決賽冇評判，聲稱畀全球人類發短訊選冠軍。
台妹電死
12月4日總決賽上篇已經優先選出5名佳麗入決賽，所以週日（7日）頭半粒鐘就係餘下嗰8位隻揪爭最後3個名額，本來前黑澀會美眉9號台灣代表賴琳恩選情告急，不過佢響20秒拉票環節忽然出必殺技，一粒聲唔出就跳part 台式disco 姣仔舞，票數即時急彈。之後響問題環節，賴琳恩見電力有反應，繼續搏老命用台式高音說：「請大家支持我啦！」又攬主持肥谷又狂送飛吻，咁主動漏電，難怪可以標尾會執到個季軍，其實參加美眉時，主持黑人陳建州已經激讚佢「電力夠」兼「夠溫柔」。今次出7成力已經殺暈你班港仔，奪季後繼續姣聲話：「我自己也估不到呀，謝謝。」乜咁謙呀！
拋眉眼
賴琳恩響台灣做咗兩年
模，台上單吓眼漏吓電，再加埋個半開合嘴，票數即時又升幾千。
攬肥谷
肥谷問當自己係佢男友say goodbye 會點做，賴琳恩交戲作狀攬肥谷，不過肥谷當真，冧晒！
送飛吻
賴琳恩驚死電視前電車仔唔夠喉，再向電視前飛吻，我buy 咗！
當街濕吻
'07選完美眉後，賴琳恩被台灣傳媒影到佢等的士期間，同一名黑衣男子當街濕吻，擺明姣底！
台灣《蘋果日報》圖片
季軍 賴琳恩（台灣）
年齡：19
身高：5呎61/2吋
三圍：34-24-35
人妻美眉個名都係因為佢06年做美眉時著得性感煮飯畀主持黑人陳建州起嘅，不過佢玩咗幾個月就叮走，同二線美眉米奇（左）最老友。
賴琳恩亦有美眉發電機之稱，仲大膽到06年佢同其他台灣
模，保鮮紙包住三點拍情人節朱古力廣告。
容易造馬
亞姐年年搞，屆屆都有騎呢位，今屆學人搞全民投票，不過新方法似乎有人唔多滿意，其中有份到現場睇騷嘅91年冠軍羅霖就直隊話有造馬嫌疑：「對唔住ATV 我都要講，冇評判全靠市民投票點得，咁會唔會買票先？機制好有問題，我反映咗成個月，都冇人理我，我覺得會唔公平囉！」
其實羅霖姐又唔使咁認真，真造馬定博話題，今屆亞姐起碼都有7點收視，成績算好㗎啦，一場遊戲啫，最緊要冠軍姚佳雯算索咪算囉！
名媛亞姐爆造馬
大熱敗走
袁小曼
年齡：26
身高：5呎4吋
三圍：35-23.5-34
本來屬票王嘅袁小曼以自己係香港人做賣點向記者拉票話：「我係今屆亞姐決賽唯一有香港ID 咭嘅佳麗，希望大家要支持我！」不過佢計錯數，港女班電車仔一向唔buy ，sell 親切等於自殺！
你（顏子菲）身材唔好囉！（真實對白）
咪大有腦
5呎9的姚佳雯，擁有34C 上圍兼係碩士生，到最後兩強辯論時，先話係3號顏子菲（右圖）好姐妹，之後就弱點攻擊插對方冇自己咁好身材、咁有腦，唔選你仲有邊個！
亞軍 顏子菲（加拿大賽區）
年齡：22
身高：5呎81/2吋
三圍：32-23-36
冠軍 姚佳雯（華南賽區）
年齡：23
身高：5呎9吋
三圍：34-24-35
咁會唔會買票先？機制好有問題。（真實對白）
富商劉坤銘太太羅霖話就算得罪亞視都要講，話冇評判唔多妥，不過今年亞姐質素都算唔錯，羅霖姐你可能諗多咗啦！
20周年零代表
今屆亞姐係20周年，亞視特別叫市民投票選出經典亞姐，當中冇利智冇陳奕詩，但係花姨（宮雪花）入選，難怪羅霖話：「個投票結果連利智都冇？其他嗰啲我連名都叫唔出，咁叫有代表性咩？」係喎，上年亞姐冠亞季係邊個呀？
雪花嚇
逢call 必到嘅60歲花姨出場例必賣大包，加埋佢肉臂隻老虎印水紙，嚇鬼咩花姨。
君婷坐
97年因朱燕珍虛報資料，所以由亞軍韓君婷賽後補上，所以當晚主動表示自己未坐過冠軍寶座，所以見完騷，大會即時叫佢坐上，事隔11年，韓君婷當了咗個心願，不過現場其他佳麗就覺得好騎呢！
陳煒吊
除咗花姨，另一位anutie 啱啱嫁咗人嘅陳煒都有演出，35歲仲要吊到九樓咁高，陰功㗎！
