繼湯盈盈醉酒駕駛後，日前又傳出謝天華發生醉駕事件，指他與一輛的士發生碰撞，的士司機報警求助。記者昨日聯絡了天華，他承認發生交通意外，不過他否認醉駕，謝天華說：「周六凌晨我揸車返屋企時，架車喺香港區西隧口同一架的士碰撞，我揸車唔小心撞到的士尾部嘅泵把，的士司機係報咗警。」
吹波仔冇超標
警方到場了解後，隨即向謝天華進行吹波仔檢查，據悉結果證明他沒有超標，天華表示：「警察同我吹波仔後，證明冇超標，當晚我係同朋友一齊飲嘢，的確飲過好小量嘅酒，不過冇醉駕，但撞到的士嘅泵把係事實，我會負責賠償，我已經留低晒電話畀對方，其實成件事都係幾百蚊就搞掂，因為我架車只係碰到架的士泵把少少，經過今次事件，我以後會更小心揸車。」採訪：陳寶明
謝天華承認跟朋友一起飲酒後駕車，但只是極少量。 資料圖片
