亞視新官上場的首個亞洲小姐競選，前晚賽果塵埃落定，不過在總決賽上篇，以高票數領先的熱門「岩石胸」袁小曼，在下篇慘敗得梗頸四，對於賽制公平與否她不作評論，但自言是唯一香港代表，顯然是暗寸得獎亞姐皆非港產佳麗！
亞視新官上場三把火，昨日亞視大埔總台開員工大會，多個部門有要員請辭，不過卻無礙舉行的亞洲小姐總決賽繼續歌舞昇平，節目錄得最高8點收視（約50萬觀眾收看），平均7點收視（約44萬觀眾收看）。前晚亞視安排得獎及落選佳麗、台前幕後工作人員，到沙田帝都酒店舉行慶功宴，陳煒、黎燕珊、宮雪花也有出席。
亞姐競選賽果已經名花有主，前晚完騷後一班佳麗齊齊合照。
自言是香港唯一代表的袁小曼大熱倒灶，她在慶功宴上仍不服氣。
「佢哋有選美經驗」
賴琳恩有機會成為娛樂圈一分子。
落選佳麗袁小曼曾在總決賽上篇獲26萬票成為票王，壓倒冠軍姚佳雯，不過在總決賽下篇卻被姚佳雯反超前，更以大比數落敗。大熱倒灶得梗頸四的袁小曼在慶功宴上有些不服輸，她說：「我喺媽咪心目中已經贏咗，我係唯一一個香港佳麗，佢哋三個有過選美經驗，我就第一次選美，我諗唔會再參加選美，我都26歲超齡啦。」由於袁小曼在總決賽上篇是票數最高，但到下篇卻大比數輸掉，問及覺得賽制可公平？她第一個反應是問記者：「你話呢？」之後她補充說：「都冇話公唔公平嘅！」她自言返後台沒有喊過，因為沒有太失望，她很開心自己做過票王。得到友誼小姐的姚鳳鳳，未因同母異父哥哥吳建豪的關係而勝出，她說：「我冇失望，呢次選美過程好開心，今次希望吸收吓經驗，同識多啲朋友，哥哥知我得咗友誼小姐，我未想過入行，要返美國讀埋書先。」台灣代表賴琳恩獲亞姐季軍，昨日她接受記者訪問說：「有點意外，本來覺得如果有top 5就很不錯了。」但談起參賽過程，她展露自信表示沒壓力，又稱有亞視高層讚她甜美，和她簽約的機率很高，賴琳恩也希望有機會晉身娛樂圈發展事業。
張文慈憂冇劇開
另外，亞視早前宣佈以非戲劇節目為主流，此舉令戲劇組藝員有排震，張文慈是部頭合約藝員，她說：「我都唔知公司跟住有乜嘢行動，我仲欠亞視幾十集未拍，都唔知點算，如果亞視連我都唔要，咪一個藝員都冇？唔諗得咁多，平常心啦。」採訪：卓寶花、王崇穎攝影：仇志德
出爐亞姐冠軍姚佳雯曾有過其他選美經驗，故經驗豐富艷壓群芳。
