亞視被釘牌，今屆《亞洲小姐競選》被指可能是最後一屆的《亞洲小姐競選》，據知藉《亞姐》之名可在內地找贊助商，所以是亞視現時唯一製作的節目，不少內地女仔更趨之若鶩想得冠軍，以此打響名堂。
任斐琳的廣州寓所門外曾被人淋紅油追數。
任斐琳的內地經理人Jimmy，昨指任斐琳𠝹手威脅要求解約。
內地經理人Jimmy曾向欲毀約的任斐琳發警告信。
廣州寓所被淋紅油
入圍亞姐內地總決賽50強的任斐琳，最近疑與內地經理人公司為合約問題起爭拗，以死要脅解約。任斐琳是前年《世界旅遊小姐》廣東賽區的冠軍，去年再在華南賽區得總冠軍，早前她受訪表示對攞亞姐冠軍充滿信心。不過，任斐琳的經理人Jimmy昨日透過電話斥任斐琳不履行合約精神，他說：「佢喺今年9月，即參選亞姐前同我哋簽咗五年合約，仲包底年薪50萬。但𠵱家佢話要同亞視簽約，要去香港發展，但我哋前期都幫佢做咗好多嘢，又要培訓又要宣傳，佢唔返佛山工作，我哋損失好大。」
據瞭解，任斐琳在廣州的屋企門口曾被人淋紅油，寫住「還錢」，所以一直想來港避債，故早前她單方面要求與內地經理人公司解約，Jimmy頗勞氣謂：「佢要過香港發展，想毀約，之前傳相畀我自殘，話唔當面撕爛張合同就死畀我睇，仲話呢間酒店啲玻璃唔太利，𠝹多幾次，佢成日用呢招，隻手有好多𠝹痕。」Jimmy之後發警告信給任斐琳，但之後多次未能跟她聯絡。而亞姐總決賽暫定下月20日舉行，Jimmy表示曾跟亞姐內地負責人何鎮宇聯絡，但對方表示「亞視不參與你們的糾紛」不予理會。
有指任斐琳以死要脅解約，她昨日在長途電話說：「乜話？咁參加亞姐唔會話有人限制唔畀，個人自由嘛。」是否與內地經理人簽五年合約，她煞有介事：「Sorry，我𠵱家呢邊忙緊，遲啲再傾。」被追問是否自殺及曾經𠝹手，她即掛線。
採訪：嵐山
from:
http://hk.apple.nextmedia ... 151128/19390809
