落選亞姐陳沛鈺爆亞視逼見客過夜

亞視不但拖欠員工薪金，性向成疑的投資者王征還連環被男藝人爆大鑊指受到他騷擾，離巢亞姐顏子菲則數臭亞視要陪客。昨又有應屆落選亞姐陳沛鈺指去年約滿後，仍接到亞視藝員科同事來電要她翌日到清遠陪客，陳沛鈺昨直言幸好走得快，現跟契媽黃夏蕙搵食。

陳沛鈺昨在電話中說：「上月廿九日藝員科有人打嚟叫我第二日返清遠，過一晚夜，返去見客，行程係叫我哋當日化好妝、set埋頭等客請食飯，不過我見奇怪推咗，藝員科見我話唔去，態度好差，後來我解釋自己冇約。」陳沛鈺揶揄王征不知所謂，她說：「好彩冇簽，我𠵱家同契媽黃夏蕙一樣簽咗小肥豬（Simon）。」亞視執行董事葉家寶昨在大埔否認：「『陪客』呢個字眼好敏感，總之所有活動都係經公司安排，係贊助商活動，有藝員科同事同行，絕對唔係陪客。如果見到席上有唔應該情況發生，同事會阻止。」

一班亞姐不時被召喚出席贊助商活動。

二○○七年落選亞姐筱靖（右）出席活動時都可以戴后冠。

戴后冠易認人

據知亞視經常借活動為由，召集亞姐返內地，實際上是暗中給客戶「選角」，亞姐本身沒有知名度，所以見客時會戴上后冠才往飯局。

一批亞姐前年到衡水賽區出席活動時，相中竟然發現落選亞姐頭上都戴有得獎后冠，跟亞視已解約的筱靖當日也有在場，她昨日提到亞姐被迫陪客說：「本來我係去做主持，佢哋之後同贊助商去食飯，啲高層話一定要去。我係落選，嗰日仲有另一個落選女仔，高層預備咗后冠我哋戴，我就話咁樣做好核突，名不正言不順，佢哋就話：『你估你哋好有名呀！你唔戴后冠，佢鬼知你係乜水，你戴后冠人哋先知你係亞姐。』之後我先聽到係叫班女仔湊夠人數，啲內地客鍾意見到三甲佳麗有名銜。聽啲師妹講，有啲女仔活動當晚唔見咗人，客戶睇中邊一個，就叫佢哋私下傾。」

採訪：舒娜、劉敏
from:http://hk.apple.nextmedia ... 150123/19012299

朱慧珊、劉錫賢、蔡國威等人齊齊為直播騷到總台拜神。

亞視即使財困，今晚仍大搞長達三個半小時的直播騷《萬眾同心撐亞視》，司儀朱慧珊、劉錫賢、蔡國威和贊助商亞洲會會長魏秋樺等約三十人，昨齊集大埔總台拜神。

昨日連拜神燒豬都由電影或電視開鏡拜神必幫襯的強哥贊助，而宮雪花則畫了寫上「撐亞視登峰」的字畫，這次出騷藝人全部義演。有指市民入場要付五百元，似變籌款騷，亞視執行董事葉家寶否認：「公司唔係慈善團體，今次個騷係想俾人知，好多人支持亞視，聽晚（今晚）係加油活動。今次演出有贊助商，嗰度約有幾百萬，到時畀員工出糧。」

另外，劉錫賢碌了人情卡邀來李兆基和曹查理撐場，而「六合彩之子」蔡國威今晚會唱《我和殭屍有個約會II》主題曲《愛在地球毀滅時》。

採訪：卓寶花
攝影：陳順禎
from:http://hk.apple.nextmedia ... 150123/19012301

陳沛鈺越睇越冇心機，一臉無奈又不停打呵欠。

李龍基上台唱歌，陳沛鈺竟然不認識他。電視圖片
應屆落選亞姐陳沛鈺前日大爆去年被亞視力邀北上出席陪客飯局，昨晚亞視大搞直播騷《萬眾同心撑亞視》，雖然節目長達三個半小時，不獲續約的陳沛鈺卻沒被邀出席打氣。陳沛鈺改到將軍澳本報大樓看直播，節目才剛開始即皺眉頭，看到葉家寶出場時更說：「好耐冇見佢。」李龍基打頭陣唱出《浣花洗劍錄》，陳沛鈺猛問：「我認得佢，但唔記得個名。」記者提示才叫出是李龍基，然後到星光幫唱歌，陳沛鈺仍有心機看一下，但到拉丁舞表演，陳沛鈺便頻頻打呵欠，她說：「個騷幾悶，我今晚本來約咗人，𠵱家好少睇電視，睇新聞就用手機睇。」

採訪：陳杰
攝影：仇志中
from:http://hk.apple.nextmedia ... 150124/19013662