上周五（2日），呢排罵戰連連嘅黎燕珊同羅霖終於喺亞姐籌款晚宴上「歷史性」碰頭！黎淑賢亦拖住疑似偷食嘅醫生老公出嚟，但前夫盧惠光竟然又同場喎。
Well，媽咪姐八足一晚，得出兩個結論：一，女人除咗鬧交要夠氣，仲要交到戲！二，再見亦是朋友係可以work嘅！必要時仲幫到你㖭。請睇相，再細味。
黑面老公Vs friend爆前夫：女方前夫盧惠光竟然同場出現，黎淑賢仲過枱「敍舊」，盧生又手指指介紹朋友俾前妻識，friend到呢！
成班亞姐晨早排排企大合照，但身為「仁美清敍」主席嘅羅霖就遲到，裙拉褲甩插入影相。黎燕珊全程好交戲呀，笑晒口！不過一影完相，即刻拉朱慧珊閃走之嘛。呢啲咪道行囉！
