12月甜蜜人乾 拍拖同車兼同居，兩人發現記者後慌失失，瘦仔陳柏宇仲擘大個口得個窿，至於肥嘟嘟嘅裕美鈍鈍哋未識反應。
近來喜事多，結婚唔怕人知，最怕冇人講；反而拍拖愈撼密愈有so ，地下情襟玩。
早前已傳去年新人王，23歲紋身仔陳柏宇（Jason ），被19歲港產㗎妹裕美用SMS 主動冧掂，二人更火速於西環同居，後生仔愛得癡纏。
同居兼同車，前週兩人拍拖出街斷到正，為保地下情，片車同紋身一樣架勢的陳柏宇，由西環飛車飛到柴灣，避無可避，與裕美齊齊手擋鏡頭衫遮面。同居半年，本身瘦底的陳柏宇，更加俾裕美扯乾。
「IMiss U 」地道仔陳柏宇（Jason ）與阿叻契女裕美撻著大半年，更共賦同居，已屬圈中公開的秘密，不過二人都夾晒口供否認，早前裕美更擺同期好友洪卓立上枱，「如果要揀，洪卓立會似我理想對象多啲。」
1月面有肉 今年頭未同居，陳柏宇都叫面頰飽滿，黐埋裕美後，面無四
肉，瘦到見腮骨。《蘋果日報》圖片
驚遮面
原先兩人見記者時，嚇到用手遮面，裕美更拉高衣領扮蒙面俠，其後定一定神，陳柏宇先識舉V 傻笑！經驗未夠囉！
無路可走，裕美惟有搵男友落車做擋箭牌，自己就乖乖坐低當戲睇。
對住記者，陳柏宇依然死撐唔認拍拖。係嘅，又俾公司照多次肺點算？
擋箭牌
高度戒備
「Jason （陳柏宇）好冧裕美㗎，係女追男，裕美勝在好主動，Jason 成日響班朋友面前讚女友夠cutie ！不過公司梗係想佢低調啦，年頭啲歌都叫hit ，唔想俾緋聞累囉！」陳柏宇身邊人說。加上曾被雜誌拍下出入同一大廈，「宇美戀」更加高度戒備。上月中，本刊撞破兩人拍拖出更，即時面紅傻笑兼遮面。「梗係驚啦，上次俾人影過，公司都即刻照Jason 肺！今次仲要斷正添！」知情者說。
危險飛車
上月20日，下午4時，裕美先回西環同居竇，上樓換過另一頂hi-hat ，即坐地鐵到尖沙咀做facial ，之後再到銅鑼灣等仔接送。陳柏宇駕著值11萬三菱錢七，載著女友回西環屈地街龍豐閣愛巢。裕美自行下車上樓，而陳柏宇則獨留車箱，約十分鐘後裕美返回車箱，陳柏宇隨即開車。
開車不久，二人發現記者採訪車，陳柏宇惟有不斷踩油，希望撇甩記者，為逃避記者，不惜cut 三次雙白線，可惜該車輛已有8年車齡，實在有心無力，最終追到柴灣焗停紅燈。二人先遮面掩頭，驚惶失措幾秒後至肯大方面對鏡頭。
陳柏宇惟有將車停埋一邊接受訪問，不過卻仍然否認戀情。「（出街拍拖喎！）唔係，我哋係好嘅朋友啫！（同居大半年喎？）我講過好多次，我哋係住埋同一幢大廈啫，唔係同居！」
其實可以光明正大，無需要遮遮掩掩啊，家陣啲粉絲接受能力好強㗎！
月租1萬
本身寄居北角舅父家的陳柏宇，為了2人世界，自立搬出西環舊樓，月租約1萬，與裕美都屬新人要捱騾仔，一闊三大，要捱吓喎！
由公司車送返西環同居竇，可想而知裕美同陳柏宇熱戀同居唔係秘密，不過裕美上樓前都警覺性甚高，望清楚先入屋。
換咗帽
Hi-hat 由紫變藍，近來冇乜job 接的裕美，自己坐地鐵到尖沙咀shopping ，沿途一直頭耷耷，怕人認出咩？其實冇喎！
《蘋果日報》圖片
Cute 妹愛野仔
戀愛屬主動出擊型的裕美，19歲女本身性格cutie 乖乖女，據知兩人在新人活動上結識，在圈中幕後人聚會，飲大幾杯唱多幾首歌就有feel ，之後裕美更冧爆SMS 狂電陳柏宇，最後火速住埋。
裕美夠cute ，但係陳柏宇就唔似外表咁乖仔，份人貪玩又wild ，一凹一凸咪合拍囉！
大公仔
入行後以乖乖仔形象示人嘅陳柏宇，原來在加拿大讀書時已好激，大大個背部紋身，年中被踢爆後先大方承認！裕美唔通就係貪個大紋身好型？
煙機迷
本身唔願出街，寧願匿響屋企打機，行為都幾電車嘅陳柏宇，偶然亦被拍下打街機，仲要扯住煙咁打，有啲MK 囉！
