陳柏宇昨日坦言有留意舊愛裕美婚變一事，透露曾問候過她。
人妻裕美疑偷食黃子恆搞到滿城風雨，她的舊愛陳柏宇昨到港台出席2016太陽計劃揭幕活動，坦言有留意裕美婚變報道：「經過便利店見到雜誌封面已經打咗書釘，我都有問番佢，但梗係唔可以講我哋傾過乜啦，總之有叫佢乜事都唔好太唔開心，佢話已經處理中。」
對於婚變疑涉第三者，陳柏宇說：「唔係啩，我覺得佢唔係咁嘅人。本來個零月前約佢食飯，但後來唔成事，不過知道佢瘦咗好多。」至於有傳裕美遭家暴，柏宇強調完全不知情，問到是否打到瘦？他說：「唔會啩，俾人打應該會腫。」另傳容祖兒拉攏李克勤過檔英皇，祖兒師弟洪卓立說：「多個有實力嘅朋友加盟的確開心。」
採訪、攝影：曹家誠
from:
http://hk.apple.nextmedia ... 160617/19657170
