陳柏宇俾負面情緒考起

1^# 大中小 young 發表於 2016-9-14 03:15 發短消息

相關主題: 陳柏宇

陳柏宇噚日到商台宣傳新歌《乜青》，佢話最近心情唔係太好，個人沉澱咗幾日，好感激女朋友支持，柏宇話：「我發現自己最唔叻就係面對唔開心嘅情緒。成日都收到好多人叫我開心、加油、努力嘅訊息，但係如果真係唔開心，又點樣面對呢？最近有個好朋友離開咗，我都唔識點樣安慰佢女朋友，但係又一定要做，所以好無助。」

撰文：馮仁昭
from:http://hk.apple.nextmedia ... 160902/19757152

廷伸閱讀/相關主題推介:

相關主題:陳柏宇

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-14 23:55 發短消息

陳柏宇布拉格街頭表演

陳柏宇噚日喺布拉格返港，佢同林奕匡、監製Edward Chan到當地錄新歌兼為11月喺九展舉行嘅演唱會拍片，佢話：「除咗食，用得最多錢係打賞街頭表演，我都有獻出第一次，初時唱廣東歌冇人理，到英文歌時就有班外籍女仔聽同要求合照，算係威一威。」佢話買咗飾物送畀女友，臨走前捉到當地限定版Pokémon GO精靈。

撰文：馮仁昭
from:http://hk.apple.nextmedia ... 160912/19767727

TOP

3^# 大中小 young 發表於 2016-10-23 15:54 發短消息

陳柏宇寧願忍唔分手

陳柏宇（Jason）噚日以「識揀大使」身份現身太古城推介環保海鮮，免得海鮮過度捕捉而絕種。只會煮即食麵嘅Jason，跟酒店大廚烹製海鮮沙律，佢話自己甚少下廚，女友廚藝由零分慢慢進步。

Jason話：「佢唔會為我鍾意食嘅嘢去學煮，所以有時煮咗啲我唔食嘅，我會試食少少，然後佢自己清晒。」身為畢彼特影迷嘅佢，對畢彼特離婚感可惜，而自己同女友平時有爭拗，Jason會忍一忍平息。

撰文：馮仁昭
from:http://hk.apple.nextmedia ... 160922/19777587

TOP

4^# 大中小 young 發表於 2016-10-23 16:51 發短消息

陳柏宇開騷驚失聲

陳柏宇噚日喺銅鑼灣開記者會，宣佈11月26及27號喺九展開演唱會，佢由四位忍者打扮嘅工作人員抬出場，大擺chok甫，佢話：「每次演唱會我都會緊張，唱完一場就會失聲，都有啲擔心。」佢又話女友兩晚都會帶唔同嘅朋友同家人捧場，會否喺台上求婚？佢話：「唔會喇，我哋嘅關係已經好公開，想有番啲私隱，諗住喺外地求婚，會用結婚戒指嚟求婚，女友話求婚戒指好炫耀喎。」

撰文：馮仁昭
from:http://hk.apple.nextmedia ... 160930/19785927

TOP

5^# 大中小 young 發表於 2016-10-23 22:18 發短消息

陳柏宇婚事女友安排

陳柏宇下月在九展開騷，昨日他在新城宣傳時表示：「演唱會對我來講唔係有幾多人入嚟睇，而係大家睇完之後會唔會好開心咁走，成功嘅定義唔係數字上，而係得到好多唔同經驗。」陳柏宇已表明下月個唱不會騷肌，講到明年7月與女友結婚，他表示現在先投入演唱會工作，婚事暫時由女友安排：「7月前死掂佢，女友都好有意見，我唔會反駁，只會接受同支持，由得佢去搞。」
from:http://hk.apple.nextmedia ... 161015/19801216

TOP

6^# 大中小 young 發表於 2016-12-10 17:47 發短消息

陳柏宇個唱拒跳辣舞

陳柏宇（Jason）The Players10周年演唱會，將於下周五至日於九展舉行，Jason噚日喺九龍灣為演唱會進行排舞，初時排練亦感到困難，Jason話：「自己都驚到時唔記得舞步，有問排舞師可唔可以跳少啲。」

Jason話暫時未試過邊跳邊唱，佢笑言：「如果唔夠氣，到時有和音。」Jason又話今次唔會跳辣身舞，又唔會騷肌，至於演唱會有乜睇頭，佢話睇佢個真樣。

撰文：馮仁昭
from:http://hk.apple.nextmedia ... 161118/19837323

TOP

7^# 大中小 young 發表於 2016-12-10 18:22 發短消息

陳柏宇設計手錶

歌手陳柏宇（Jason）同女友符曉薇（Leanne）拍拖5年，早前已計劃明年結婚，佢為咗紀念呢個甜蜜時刻，為自家品牌設計手錶，喺後日嘅演唱會期間發售。

Jason話：「喺認識女朋友之前，我嘅世界好平淡，但同佢一齊呢幾年，佢喺我個世界添加咗好多色彩。」手錶以佢哋嘅名同拍拖紀念日命名「LI702」，Jason話：「Leanne話唔使我送訂婚戒指，咁咪整隻錶囉，又實用又有紀念價值。」

撰文：馮仁昭
from:http://hk.apple.nextmedia ... 161123/19842380

TOP