自言靠面孔開飯的黎諾懿，對護膚有一定心得。
向來超級貪靚的黎諾懿，早前受皮膚敏感困擾，滿面粒粒。心情大受影響的他，竟躲在家個幾月不願見人，頹爆自閉！
黎諾懿日前以滿意酬勞，為代言的美容品牌拍廣告，更換上多個造型，一過扮靚癮！首次拍美容廣告的他表示，貪靚並非女性專利，更自爆早前受皮膚敏感影響，情緒大受困擾！黎諾懿承認十分貪靚，護膚心得不比女性少，經常敷面膜，但他早前面上突然狂標粒粒，令他擔心不已，他說：「我呢行靠個樣見人，唔可以畀個樣太多瑕疵，但之前塊面突然生滿粉刺、酒米，起晒粒粒，我即刻去睇醫生，但睇極都唔好，仲愈生愈多，搞到非常擔心，最後睇四次醫生，中西合璧，差唔多個幾月先慢慢好番。呢個幾月來，除工作之外，我只係匿屋企唔敢見人，鏡都唔敢照得多，情緒大受困擾！」
儲錢做業主
另外，金融海嘯淹沒全球，但黎諾懿依然工作不斷，他慶幸地說：「暫時冇受影響，緊仲有廣告要拍。（會點用錢？）巿道唔好，暫時會留身，唔會亂花錢，希望過半年之後可以趁低吸納，買樓做業主！」
