出埠惹鬼 男女都驚黎諾懿須陪
姚子羚唔郁得
今晚萬聖節比中國農曆7月鬼節來得開心，因為街上充滿扮鬼扮馬的遊人，姚子羚與黎諾懿也喜歡萬聖節開派對，愛玩魔術的黎諾懿會趁機追女仔。提到鬼神之說，兩人異口同聲表示最怕出埠遇鬼，嚇餐飽之餘，還會冇覺好
！
香港的萬聖節氣氛濃厚，姚子羚與黎諾懿日前趁機會相約一起慶祝。對魔術有研究的黎諾懿，自言學習魔術已三年，在萬聖節這個神秘節日，他通常會相約一眾朋友到酒吧或餐廳聚會消遣，還會露兩手魔術娛賓。
玩魔術追女仔
姚子羚和黎諾懿扮鬼扮馬應節，造型搞笑。
黎諾懿說：「一大班人當中有人識玩魔術，可以搞氣氛，追女仔係易啲，因為容易捉住人哋隻手。」他指表演魔術要靠信心，學習數年對演戲也有幫助。萬聖節乃外國鬼節，黎諾懿是佛教徒，故他相信有鬼神存在。回想某次到馬來西亞公幹，黎諾懿獨自在房內睡覺，在未入睡時卻感到異樣，他說：「突然感覺床側邊好似有人坐落嚟，嚇到我即刻搵第二間房嘅同事陪我
，因為我過間係尾房，好怕出埠有呢啲嘢。」姚子羚公幹時也曾遇到怪異事件，她說：「聽到唔知喺邊度嚟嘅聲，又試過唔知係咪俾鬼壓嘅感覺，不過通常自己都會諗個解釋，可能自己太
，但係長時間出埠都幾驚！」姚子羚表示在中學時期，也曾玩過筆仙、銀仙等靈異玩意，她回想曾經與朋友玩銀仙，過程中竟發現靈體是個小朋友，更知道該小孩的名字。
燒糖果求心安
黎諾懿和姚子羚分享怪異經歷，令人毛骨聳然。
姚子羚說：「啲朋友最後滿足對方要求，燒咗啲糖畀佢食，我哋冇去證實有冇呢個人，滿足咗佢心安就算。」採訪：張俊銘 攝影：陳志嵐場地：Oyster Station
萬聖節來臨，姚子羚自爆睡覺時如被鬼壓，可能是太疲累所致。
