姚子羚素顏對眼都好大

入行15年嘅姚子羚（Elaine）雖然有演技，但一直浮游喺二三線，由於近年TVB鬧花旦荒，子羚終於被公司重用，孭重飛出演好幾套重頭劇，雖然唔係做女一，但都叫有得發揮！

這張「表哥」改圖成為姚子羚的象徵。

上個月仲喺大馬頒獎禮勇奪「最喜愛TVB女配角」，爆喊講得獎感受時，不忘呼籲「領養唔棄養」，心地好一眾貓狗奴即時封佢做真女神！但係大家都係鍾意佢「表哥」嗰個樣多啲，不過大家要失望喇，呢日《壹》仔見到一身牛仔衫載cap帽嘅姚子羚現身中環，雖然冇化妝，但素顏嘅佢，竟然完全唔似之前被網民惡搞嘅「表哥圖」，佢已經進化到，無戴大眼仔隻眼都好大，睇嚟佢對大眼唔係單靠化妝咁簡單。

姚子羚素顏現身中環行街，期間不停狂煲電話粥時露出冧笑，九成九同男友「的士邦」談心。

一收線，子羚不自覺地扁嘴。

早前，姚子羚在大馬雲頂頒獎禮中勇奪「最喜愛女配角」。
撰文：八珍
攝影：李玄
表哥呢？姚子羚素顏對眼都好大

姚子羚望成立動物組織姚子羚望成立動物組織

愛狗藝人姚子羚昨日到電台宣揚領養不棄養的訊息，一直有做動物義工的她，面對被遺棄的動物數量遠多於獲領養的數量，希望可盡快成立動物警察或提高傷害動物的刑罰，問到有否成立組織？她說：「冇呀，要顧及好多嘢，希望遲啲會有。」問到會否再領養被遺棄的動物？她表示不會，因為分身不暇，或待愛犬百年歸老後，再考慮擔任暫養家庭。

姚子羚
姚子羚撐林淑敏拎女配
姚子羚打算將來做動物寄養家庭，幫狗狗找新主人。

姚子羚憑《同盟》角逐最佳女配角，對手有林淑敏、龔嘉欣、朱千雪、高海寧等，昨日子羚在商台接受訪問，問到她之前在馬來西亞獲獎，會否有信心在香港再下一城？她說：「其實自己今年好幸運，喺馬來西亞已經攞咗一次，休息咗半年仲可以遇到好角色，今年對手好強，其實邊個攞都冇所謂。」子羚透露藝員之間有互相投票，她會投林淑敏。

陳敏之在頒獎禮前夕到沖繩旅行放輕鬆。互聯網圖片
對狗仔愛護有加的姚子羚在節目中分享自己跟狗狗的相處點滴，她本來已經領養了一隻唐狗通仔，現正考慮做遺棄動物的寄養家庭：「如果我屋企隻狗狗百年歸老，而且工作量冇咁多嘅時候，有諗過做動物寄養家庭，照顧好佢哋後，幫佢哋搵新主人。」

憑網友熱捧處境劇《愛．回家之開心速遞》獲提名的林淑敏，她昨回應傳媒：「平常心。」在《溏心風暴3》搏到盡的陳敏之呼聲亦甚高，前日39歲生日的她到沖繩慶生，實行賽前鬆一鬆。

採訪、攝影：曹家誠