姚子羚籲畀空間「嘉坤」

姚子羚和吳若希等昨日到北角參與捐血活動，其中子羚被問室友龔嘉欣因為留言惹來吳業坤的粉絲不滿，她說：「佢未必係呢個意思，粉絲都好錫堃哥，其實佢哋感情好好，畀啲空間佢哋啦，不過感情事冇得幫，可能佢哋只係姊弟情。」

龔嘉欣、吳業坤
另外，吳若希連續第二屆奪得《勁歌》頒獎禮金曲金獎，被問到是否跟大台加簽5年換獎，她指合約是公司商業秘密，不便透露，她又說：「很久前已簽約，與獎項無關。」吳若希指一篇報導便抹煞她過去一年的努力，令她感到委屈及氣餒。有指吳若希續約後底薪加一倍變4萬元，她未有否認。

撰文：非非
from:http://hk.apple.nextmedia ... 151223/19422286

鄭子邦呢間東大街地舖，6年升值兩倍，淨賺超過1,700萬。攝影：程俊華

香港進入零售寒冬，唔少喺核心地段嘅地舖一路跌價，不過根據公司註冊處資料顯示，一間叫栢益國際有限公司喺2010年用1,794萬元購入筲箕灣東大街185至189號地下A至B舖，就啱啱以3,580萬元易手，賬面大賺1,786萬元，而呢間公司嘅董事就係姚子羚嘅的士闊少男友鄭子邦喇！

姚子羚話唔識財經嘢，男友鄭子邦就話想單交易傾得成。資料圖片

姚子羚前日素顏跑步，畀李施嬅喺fb直播。

放棄齋舖生意

噚日馮仁昭打過畀姚子羚，佢就話財經嘅嘢完全唔識，而鄭子邦回覆時就笑住話：「其實未成交，唔知點解咁快寫咗出嚟，都唔知會唔會撻定㗎，咁都希望順利啦！」鄭子邦又話，呢幾年都冇買入舖，佢喺買賣舖呢方面亦唔係專家：「我唔知𠵱家走貨係好定唔好㗎，但本身主要都係做的士，𠵱家的士牌價回落咗啲，所以想買番啲的士，最重要係想集中資源去改變的士業質素。」

提到佢喺登龍街開嘅齋舖，鄭子邦話嗰個舖係租嘅，嚟近間舖都會轉手，佢話：「飲食始終都唔係我在行嘅嘢，當初開係想多啲人食齋，嚟近都會將多啲時間擺番喺的士生意度。」

撰文：馮仁昭

馮仁昭
from:http://hk.apple.nextmedia ... 160525/19625804