「最佳女配角」大熱索爆表哥姚子羚

《萬千星輝頒獎禮2017》舉行在即，坊間已經有很多不同的預測賽果，除了視帝視后之戰，男女配角競爭亦非常激烈，其中女配角大熱姚子羚（Elaine）獲得大批網民及藝員支持，得獎機會極高！出晒名身材索爆的子羚體重100磅，擁23吋纖腰仲有豐滿上圍，係唔少女士夢寐以求的魔鬼身材，睇到男士們熱血沸騰！
撰文：東方新地
圖片：新傳媒資料庫、TVB、姚子羚Instagram

戰鬥格最佳女配角
姚子羚（Elaine）以去年度熱播劇《同盟》內韋以柔一角角逐最佳女配角。劇中姚子羚日日戰鬥格，窄身性感短裙配上斗零高踭鞋，仲同劇中男友陳山聰激吻過不停，晚晚睇到大家熱血沸騰！


《同盟》性感打女
姚子羚在《同盟》飾演韋以柔一角，表面上是集團公關部主管，幫大姐大鮑姐做事，但其實不時要應付打鬥場面，好有挑戰性！雖然子羚要做打女，穿著卻日日性感艷麗。子羚佢同劇中男友山聰有勁多咀戲，日前山聰同子羚宣傳新劇時，大讚子羚好好錫，不知有多少男士想好似山聰咁有艷福呢！

每次出席宣傳活動，子羚都博到盡晒身材！


姚子羚大方回應「表哥」改圖
每當姚子羚出現，連帶「表哥」亦會出現。「表哥」是指網民將姚子羚的眼睛擦走妝容，將其改圖至豆豉眼的她。外貌古怪嚇人，但是問到姚子羚會否介意網民此改圖行為，她不但沒有生氣，反之卻完全不介意，非常大方！



姚子羚今年就38歲，絕對唔係十八廿二，不過樣貌身材都keep得非常好，體重100磅、上圍豐滿、23吋蜂腰，再加埋白裡透紅肌膚，少女味又有，女人味亦有！佢亦不時在社交網站post相派福利，大騷fit爆身材！









子羚咁Fit，點都有啲瘦身秘訣，佢經常跑步、行山，又會同胡說八道會一班姊妹做gym，實行健康人生。飲食方面，子羚就話自己堅持每餐只食七成飽，亦奉行少食多餐，宵夜都只食菜。佢仲有一個秘訣，就係臨訓前飲一壺湯，有冇用，睇子羚的身型就知！

子羚同姐妹胡定欣齊齊做運動。
子羚同姐妹李施嬅、胡蓓蔚一齊跑步放狗。
子羚更會玩越野單車呢！
今次飾演Kate一角咁出位，唔知子羚可唔可以繼2015年《張保仔》的炎貴妃後，再下一城奪得「最佳女配角」呢？



全文完

姚子羚昨日出席活動時，透露有客戶邀請她與愛犬一同出席活動，笑言自己不會加價，但愛犬可能會收貴些，農曆新年會帶愛犬拜年。她透露計劃新年與好姊妹外遊，問到為何不與男友同行？她說：「佢新年約咗朋友旅行，我去唔到。（今年拉埋天窗？）應該唔會住，賺多啲錢先！」

姚子羚溫柔地抱住狗狗。

提到日前於《萬千星輝頒獎典禮2017》失落最佳女配角，她表示沒有失望，而且投了林淑敏一票，認為對方值得攞獎。對於未能與陳山聰齊奪男、女配角，她坦言感遺憾：「大家喺馬來西亞一齊攞過已經好開心，今次佢喺香港主場攞，我都好開心。」

姚子羚想捐愛犬酬勞

姚子羚噚日擔任旺角一個狗狗時裝展揭幕嘉賓，適逢嚟緊狗年，唔少客戶都想邀請佢同愛犬「通仔」出席活動，佢都有諗過，兼且構思將「通仔」酬勞捐畀動物慈善團體。對於失落女配角獎，子羚坦言冇失望：「我投票畀林淑敏，因為演處境劇可以受觀眾同網民喜愛係非常困難。」

當講到未能同陳山聰一齊獲獎，子羚承認呢個位有少少失望，但能夠親手頒獎畀山聰已經夠。

撰文：馮仁昭