無線頒獎禮最佳女配角由姚子羚憑《張保仔》的奸角炎貴妃得獎，她邊喊邊致謝詞，先多謝高層及眾監製，並說：「最近拍有關廉政嘅劇，突然覺得自己唔識做戲，多謝導演邱禮濤令我明白要學會放低自己，由唔識學到識，多謝屋企人同Fans！」並多謝好姊妹定欣、李施嬅、胡杏兒及龔嘉欣。子羚在後台受訪被問到為何不多謝男友？她笑說：「我問過佢，佢話唔使！我依家多謝番佢！（得獎後宣佈結婚？）冇諗！下次你哋問佢！」
奪最佳女配角的姚子羚，在台上邊喊邊致詞。
最佳男配角由韋家雄憑《梟雄》奪得，曾獲黃秋生讚賞的家雄甫上台即多謝對方：「多謝佢一句說話改變我命運！」他又特別多謝高層曾勵珍及監製戚其義：「我喺TVB兩個十年，多謝佢哋畀我返嚟，如果唔係拎唔到呢個獎！」
默默耕耘的韋家雄獲最佳男配角，可喜可賀。
from:
http://orientaldaily.on.c ... /00282_002.html
