陳慧琳（Kelly ）將於今日結婚，為了以最佳狀態出嫁，昨日她謝絕任何應酬，在家中休息，傍晚6時就開始做面膜和浸香薰浴淨身，預備今日做美麗新娘，婚後她會積極造人，Kelly 更自爆婚前吃補丸想生小孩，怎料藥丸令她便秘，惟有停服。
現年36歲的陳慧琳與35歲的男友劉建浩（Alex ）今日結婚兼擺喜酒，按西方傳統，男女雙方都會跟友好在婚前一晚舉行單身最後一夜派對，但Kelly 不想婚前玩得太累，所以一早已叮囑朋友，婚前最後一夜要提早休息。為了今日可以做個漂亮新娘，昨日Kelly 整天留在加多利山家中作準備，做完面膜就浸香薰浴消除疲勞，讓自己可以好好睡一覺，今日能以完美狀態出閣。
香港洲際酒店的長樓梯，正是Kelly30呎長婚紗裙襬的最佳舞台。資料圖片
新郎哥Alex 奉命要好好保養，今天將以最佳狀態接新娘。資料圖片
未感緊張
「我估著婚紗就會喊」 今日下午1時，司機會到Kelly 寓所接她到尖沙嘴洲際酒店出嫁，今日她會穿兩套婚紗和一套紅色晚裝，其中一套婚紗是由Chanel 主帥設計師Karl Lagerfeld 設計，另一套就由金像美指奚仲文設計，仲文昨日接受電話訪問時說：「件婚紗係兩個月前就設計，件婚紗唔算太性感，又唔算好誇張，以白色為主，係長到落地，啲布喺外國訂返嚟。」
一對新人晚上8時會正式註冊成為夫妻，屆時Alex 當律師的表哥會做證婚人，Kelly 經理人鍾珍表示：「今日Kelly 個心情都幾好，唔係好緊張，佢一直強調要好靚咁出嫁！」
Kelly 日前分別接受商台節目訪問，被問到如何準備婚禮，她說：「我唔出街，做吓浸浴，做mask 。但我估著婚紗就會喊，因為好似踏入人生另一階段。」到時接新娘，玩新郎環節少不免，她說：「有一連串變態遊戲，佢啲兄弟好玩得。不過斟茶就晏啲，媽咪同奶奶問可唔可以遲啲嚟，要
多啲。」
對於婚後計劃，Kelly 表示原本不打算生仔，她說：「本來事業為重，而家轉軚，唔生好似miss 咗啲嘢。」早前Kelly 更為養好身體吃補藥，她說：「我有食過產前食嘅維他命丸，醫生開嘅，好大粒，但食咗唔掂，我有便秘，而家冇食喇！其實我冇壓力，有就有，冇就冇。Alex 想自然試吓先。我哋都有諗過有『餡』先，但唔得，我經常要跳舞，所以要做晒啲工作先。如果生咗我會湊，一定自己湊，一手兩個都會。」
16年的愛情長跑，Kelly 大談Alex 的優點，她說：「專一咋！呢啲擺到明啦！佢係雙子座，識交際又外向，同埋經常借錢畀朋友。拍拖中段佢都有唔慣唔開心，朋友一對對出去食飯，但佢就俾人笑有個隱形女友，如果係嗌交都係為呢啲，但之後佢諗通咗。我同佢去飲嘢咪阻住佢，又要照顧我，唔可以盡興。」
Celia （左）身為Kelly 好友會擔任伴娘，更已預備四個遊戲考新郎。資料圖片
昨日全日留在加多利山家中的Kelly 會做mask 及沖香薰浴，更會8時上床就寢。
狂玩新郎
「考驗愛Kelly 有幾深」
陳慧琳（中）早前接受吳君如（右）電台訪問，大談婚前心情。
Kelly 好友Celia 今次擔任伴娘，她昨日說：「我哋有10個姊妹，已經度咗四個玩新郎絕招，要考驗新郎哥愛新娘有幾深，又要佢獨自rap 歌，仲有要體能測驗等，因為Kelly 下咗令要姊妹狂玩新郎哥，唔使留情。如果新郎哥棄權唔玩，就每個遊戲罰1萬蚊，開門利是就要$99,999.9。」
此外，Kelly 的加多利山寓所外昨聚集大批傳媒，她本人未有露面，但其司機曾駕車外出為她到Page One 書局購買雜誌，及後又向在場記者派汽水。而Kelly 今晚更會大手筆地提供$800一位的自助餐供採訪記者享用。
採訪：葉雪
攝影：娛樂突發組
婚禮流程
全個婚禮Kelly 預備了兩套婚紗及一套晚裝，更會在婚宴前舉行證婚儀式。資料圖片
1:00pm ：Kelly 由加多利山寓所到達洲際酒店。
1:30pm ：新郎Alex 及伴郎兄弟團進行接新娘及玩新郎儀式。
3:30pm ：Kelly 穿著由奚仲文設計的百萬白色婚紗會見傳媒。
4:30pm ：一對新人進行切結婚蛋糕儀式。
5:00pm ：Kelly 會換上紅色晚裝和於新娘套房內向雙方家長敬茶。
6:00pm ：開始迎賓。
8:00pm ：Kelly 換回奚仲文設計的百萬婚紗，並在新郎Alex 的律師表哥見證下，進行結婚註冊儀式。
8:30pm：現場播放由雷頌德製作、Kelly 主唱，改編自《紙醉金迷》的歌曲《囍菜》，配合第一道菜式「鴻運乳豬全體」。Kelly 會換上另一套婚紗，而新郎Alex 會與其父母上台致辭，並播放Kelly 與Alex 的拍拖片段。
婚禮詳情 婚宴地點：尖沙嘴香港洲際酒店
酒席：男家28圍、女家27圍，共55圍
伴娘與姊妹團：黃欐堯（Celia ）等共10人
伴郎與兄弟團：共10人，全部是圈外人
司儀：曾志偉、林曉峰
男家賓客：謝賢、狄波拉、陳淑芬、張耀榮、欣宜
女家賓客：鍾珍、黃柏高、奚仲文、雷頌德、劉偉強、黃劍濤
婚紗：共2套其一由奚仲文設計，由他與鍾珍送贈價值100萬的白色婚紗，一字露膊款，裙襬長30呎，頭紗亦長50呎。另一套婚紗則由好友Celia 購買，由Chanel主帥設計師Karl Lagerfeld 設計，價值六位數字。
行頭：新郎Alex 送贈六卡求婚鑽戒；金至尊贊助過千萬鑽飾，包括五卡及三卡的鑽石耳環；Kelly 父親送出合共九卡鑽飾，當中包括鑽石頸鏈、手
、戒指及襟針。
婚宴菜單 1.鴻運乳豬全體、2.蟹肉珍珠配、3.蝦子姬松茸明蝦球、4.燕帶竹笙扒時蔬、5.高湯肘子燉鮑翅、6.頂級北菇婆參鮮鮑甫、7.清蒸海東星、8.一品蒜香雞、9.火鴨栗子粒焗飯、10.上湯煎粉果、11.意式芝士餅伴草莓、12.幸福鴛鴦點（薏米菊花糕、奶皇芝麻棗）、13.雪花鮮果盤
每圍13,888
陳慧琳雖然拍戲時已穿過婚紗，不過今日出嫁的她自言披上婚紗後恐怕會感動得哭出來。
