高海寧嘅身形明顯比選港姐嘅時候發脹咗唔少。
馮仁昭四圍超
只要睇番高海寧同馬賽選港姐過陣時啲相比對一下，唔難發覺佢哋真係肥咗喎！資料圖片
陸詩韻同陳自瑤（右）係有料之人，唔輸蝕畀班港姐。
應屆港姐冠軍張舒雅、亞軍陳倩揚、季軍馬賽同旅遊大使高海寧喺吉隆坡繼續親善之旅，噚日佢哋喺酒店嘅泳池著住三點式泳衣拍攝花絮，連主持人陸詩韻、陳自瑤（YoYo ）都不甘示弱，齊齊性感打扮騷逼爆身材，不過日漸消瘦嘅張舒雅，就瘦到得棚骨咁。
陳倩揚同馬賽似乎對高海寧過對甲組腳好有興趣喎！
自認發水腫
高海寧喺參選港姐時身材一向係話題，不過噚日佢忽然肥咗好多，尤其大腿位置，高海寧惟有以笑帶過回應，佢話：「吓，咁都俾你哋睇得出，我有啲水腫，而且肥晒喺對腳度，睇醫生話我內分泌失調喎。」通常體形肥咗之後會連帶上圍都升級，高海寧話：「我嘅上圍反而縮咗，我都好奇怪。」至於馬賽比起參選時肥番十磅，佢話：「早兩日著番選港姐過件旗袍都逼到食唔到嘢。」
主持鬥搶鏡
陳自瑤同陸詩韻身材都算平均，前者上圍仲幾有睇頭，YoYo 話：「我係第一次著三點式影相，見到個個港姐都著，身為主持唔著會唔配合。」陸詩韻嘅身材都幾搶鏡，佢好謙咁話：「我唔係搶鏡，啲港姐身材好好，今次呢個旅程夠
又有好嘢食，見佢哋都肥咗！」
