「……吽吽
似足福祿壽，手長腳長遲早撼頭埋牆。」節錄《棟溝笑》歌詞
冇厘正經的林敏驄，在錄音室中演繹自己填寫的鬼馬歌詞時，竟緊鎖眉頭。
林敏驄和曾志偉crossover 於下月合演《棟溝笑》，昨日凌晨他們為《棟溝笑》錄主題曲，該曲歌詞寸盡娛樂圈，更把農夫和堪輿學家麥玲玲rap 歌的娛圈熱話，收入歌曲之內，務求令觀眾有共鳴，原來令大家笑餐飽的背後，全是他們嘔心瀝血捱通宵創作出來的。
農夫和堪輿學家麥玲玲rap 歌，成為娛圈熱話，林敏驄拿他們來開玩笑。
曾志偉和林敏驄雖是搞笑之人，但在工作時他們也十分認真，力求完美。
曾志偉與林敏驄再度攜手發放笑彈，將於下月15日於九展舉行六場《棟溝笑2008》，兩人忙完賑災活動後，再度投入為《棟》度稿錄歌，昨日凌晨他們相約到灣仔錄音室，灌錄主題曲《棟溝笑》，雖然阿驄是填詞高手，兩人又時常搞笑，但為了創作抵死搞笑又令人有共鳴的歌，其中rap 歌部份更寸盡娛樂圈：「……玲玲又出嚟睇風水，過啲農夫起勢攬住佢隻火腿，李丞責又話同佢勢成火水，調轉個羅庚算唔算係一種壯舉？」兩人邊錄邊修改，務求令觀眾一聽難忘。
林敏驄睥著他捱更抵夜寫成的搞笑稿，一面得戚。
老少觀眾有共鳴
以往他們曾經合作推出《有冇線電台》，再度踏入錄音室，對他們來說是完全沒有難度，而今次主題曲《棟》屬於Rock 歌，完全配合兩人Rock 味，尤其阿驄指志偉的高音可Rock 到上《勁歌金曲》獻唱，阿驄還把錄好的《棟溝笑》放上youtube ，跟fans 分享他們的搞笑傑作。
今次開騷他們會重唱經典歌曲如《皮球大合唱》外，更追貼現今潮流創作五至六首新歌，當中包括《我愛G 奶》、《網上同居》及《我是否你唯一的粉腸》，要令入場的老少觀眾都有共鳴。
睇完稿陰陰嘴笑
棟溝笑稿方面，他們各自閉關度橋，阿驄花了四日時間寫了一份足足成吋幾厚講詞，他笑言份量足以講半日，創作時如同寫劇本一樣，他說：「之前畀過志偉睇過，佢睇完之後就陰陰嘴笑，加咗啲意見，然後好安詳咁離開，哈哈！」阿驄自言創作時完全沒有範圍，任何事情都是題材，但每當遇到踩界位都會小心，不過目的只有一個，就要令入場觀眾笑餐飽。
採訪、攝影：馬建華
