有「嫩口劉小慧」之稱嘅準港姐8號姚婷芝（Angela ），自參選以嚟是非傳唔停，繼俾Amanda S.話「打假波」後，又俾人話佢「犯眾憎」，遭其他佳麗杯葛，仲有人話佢成日黐住11號「的骰桂綸鎂」馬賽博見報。
本刊發現，自稱讀過港大商學院嘅姚婷芝，原來做過啤酒推銷女郎。英雄莫問出處，做啤酒妹又唔係衰嘢，但姚婷芝明知記者話見過啲相，佢都死口唔認。
本周一，記者問姚婷芝啱啱參選已經咁多是非，會唔會唔開心，佢好淡定咁話：「都唔怕嘅，自己有晒心理準備，接受到。」但問到有冇做過啤酒女郎時，最初佢仲好肯定答：「冇！」但記者話見過啲相，佢即刻轉
，「我只係負責做MC （司儀）啫！（但係你著晒嘉士伯啤酒女郎衫喎！）我淨係做司儀咋！冇推銷啤酒！」
辯稱做司儀
本刊有相為證，亦問過有關人士，力證姚婷芝曾經做過啤酒宣傳女郎。其實參選前已經係全職模特兒嘅佢，接啤酒job 一啲都唔出奇，但如果姚小姐認為著晒啤酒女郎衫，都只係做司儀唔算推廣啤酒，就證明佢自己好介意呢份職業。
專搞小圈子
露牙套
今年24歲有「發水Sammi 」之稱嘅12號黃潔婷，箍完牙竟然牙套都未除就嚟參選，佢解釋話冇時間去除喎！
西雅圖老泥妹
今年港姐只有兩個海外佳麗，由美國西雅圖返嚟參選嘅10號史宛殷，不單係全場最健碩嘅佳麗，仲係全場胳肋底最黑嘅一個。
本周一，姚婷芝接受記者訪問時，本來對答如流，但一問到做啤酒妹，佢即時表現緊張，仲口窒窒。
本刊響一間專搞推廣活動嘅公司Maxcorp 網頁上，發現姚婷芝大量啤妹造型嘅相。相中嘅佢不時騷長腿，仲拎住啤酒添！
除咗做啤酒妹，姚婷芝仲有做game 女郎，著到好性感當街俾鬼仔攬，佢一樣冇say no 。
