FBI File :謝天華食錯

1^# 大中小 cheshire (IP: x.184.192.x) 發表於 2007-10-31 08:49 發短消息只看該作者

相關主題: 謝天華

FBI File :謝天華食錯
謝天華啜忌廉麥皓兒搞到鬼咁大件事，先唔好理係啜嘴定傾偈，又唔好理佢哋有冇下文，事實原來就係認錯人食錯嘢，有二五同FBI 講，原來「賤man 」響台灣夜店「Room 18」啜嗰件唔係忌廉係賓治陳苑蔚至真。又黑又多女，撈亂真係唔出奇㗎，不過出埠拍嘢搞到偷食咁大件事，《味分高下》肥監製錢國偉就梗撐自己班囡囡：「嗰個唔係忌廉亦唔係賓治，係天華一個台灣女fans 啫。」高層一句話點錯相，成班天使就齊齊封口。

不過點都好，謝天華曳曳冇得拗㗎喇，反而最無辜就係忌廉麥皓兒，啜又冇份啜，硬食做狐狸揼心口，搞到忌廉媽都戥個女喊咁口，呢隻死貓真係滯爆。
呢個世界冇鬼又點死得人，FBI 就收到風話當晚6位天使得蘋果何卓瑩一個冇去事發地點「Room 18」玩，所以就惹嚟金手指疑雲，蘋果聽見即刻緊張同FBI 澄清：「我嗰晚衫都換埋諗住去㗎，不過突然頭痛所以冇去，唔係我爆料呀，嗰晚好多記者都知啦。」
喂，到底真相係咩呀？估到使唔使打匯應通呀？

撐姊妹
上星期四（25日）阿橙鄭瑩瑩（左）生日，同忌廉一齊響TVB 門口同fans 切蛋糕，查實兩個好老友，阿橙仲撐到行話：「忌廉成晚都同我一齊，行埋去謝天華身邊嗰個一定唔係佢！」

金蘋果
除咗忌廉食死貓，呢次台灣錄影仲爆出蘋果何卓瑩做金手指，偷偷向傳媒放料，蘋果就九唔搭八話：「我嗰晚唔記得帶身份證，之後又見頭痛，所以冇去到，我冇講畀其他人聽㗎！」

夜魔鬼
黑麻麻謝天華同冒牌忌廉摸黑咬耳仔，自然多聯想，不過睇清楚呢個假忌廉髮界分向右邊同埋戴住大大對耳環，塊面又圓碌碌同麥皓兒完全唔似，但就同賓治個外形似到爆喎，咁食死貓又確係幾慘。《忽然1周》圖片

左︰新疑犯、右︰食死貓
麥皓兒（右）選港姐時仆崩長城已經夠搶，響《味之天使》入面僅次JJ 受歡迎，今次被屈做姣精勾人老公就梗係閉翳，反而嫌疑人賓治陳苑蔚（左）就冇人隊，同佢選港姐冇得入圍一樣，啜完都冇得上封面發圍。
FACE周刊第23期壹傳媒互動有限公司atnext

廷伸閱讀/相關主題推介:

相關主題:謝天華

如果您喜歡這篇文章，請按「讚」或分享給您的朋友，以示鼓勵。

TOP

著數優惠交流網 » 影視、娛樂交流區 » FBI File :謝天華食錯