GetJetso Facebook 專頁
發新話題 Report thanks

真面目:嘉玲唔准食　偉仔胃痛撐金雞

1# 大 中 小 cheshire (IP: x.184.192.x) 發表於 2007-10-31 08:47  發短消息 只看該作者
相關主題: 偉仔 胃痛
真面目:嘉玲唔准食　偉仔胃痛撐金雞
繼98年的金紫荊影后，上週六（27日），劉嘉玲終於憑《好奇害死貓》，獲得金雞百花獎金雞影后殊榮，入行25年再度封后，飲得杯落。
雖然，影后殊榮要與內地「實力」女星顏丙燕瓜分，話晒在自己地頭蘇州、又有男友、密友齊齊撐場，嘉玲當正自己是唯一大贏家，風騷全場飛。
女友嗱足彩，難為順得人朝偉，為了配合難得風光的女友，嘉玲一句：「你忍多陣啦！」餓到胃痛照死頂，感動過真情。

潛入慶功
偉仔於金雞頒獎禮全晚陪住女友，全日一粒米都未落過肚，到慶功宴時又要忙住陪女友應酬賓客，終於搞到胃痛復發，諗住同女友詐嬌呻吓，點知女友畀個咁樣反應佢，偉仔惟有死頂到尾。

杯杯清
女友嗱金雞影后咁威，偉仔少不免要陪啲老細飲番杯多謝人兼高興吓，不過空肚飲酒好傷胃，偉仔仲要杯杯清，坐低半個鐘已經飲咗四、五杯紅酒，偉仔唔胃痛就有鬼。


陪完人飲，又要睇住嘉玲滿場飛兼逢人攬，身為男友，偉仔個樣就笑晒口，不過心嗰句潛台詞應該係：「喂！肥仔咁肉緊博乜呀！」


今屆金雞百花獎，選在蘇州姑娘劉嘉玲老家舉行，嘉玲除熱心跟足全程做電影節大使、男友甚至向吳宇森《赤壁》劇組請假陪伴幫手造勢外，連深閨密友王菲亦跟住老公李亞鵬趕到，劉嘉玲對這屆金雞獎影后殊榮，志在必得。

一半影后
內定傳言此起彼落、所有鋪排又顯得嘉玲老定做影后，可惜，到了上週六（28日）晚上閉幕頒獎禮時，壓軸頒發最佳女主角大獎的嘉賓張震卻先讀出了內地演員顏丙燕的名字，嘉玲面容先是一愕、再勉強抽出雙手強顏歡笑拍手，隔足數秒，張震才繼續說：「和……劉嘉玲！」嘉玲這才歡顏重現，並列賽果夠晒爆。

餓到出口
雖然內地傳媒紛紛指獎項早有內定，又指雙影后欠代表性，卻一點沒有破壞嘉玲衣錦還鄉興致。頒獎禮結束後，嘉玲即時拖實男友偉仔趕到大會慶功，接受各路人馬恭賀，偉仔則繼續做背後男人默默支持。
一樣是影后，顏丙燕面前冷冷清清，嘉玲和偉仔枱前卻是絡繹不絕的大會高層和傳媒甚至fans 圍實贈興，嘉玲樂此不疲，朝偉卻愈坐愈謝皮，對著全枱食物呆坐足足大半小時，半夜12點多鐘，餓足全日的朝偉忍不住向嘉玲詐嬌：「可唔可以食嘢？我胃痛呀！」，嘉玲卻不耐煩答道：「你忍多陣啦！」明顯要男友全情投入，免有損影后影帝絕配風采。

好想挾
飲到胃痛嘅偉仔本來已經拿起筷子想整兩條生菜暖吓胃。可惜被要面嘉玲𥄫到實，偷食失敗。

忙吹水
嘉玲咁啱擰轉頭本來有機會偷食，可惜隔籬個經理人又加把嘴同偉仔吹水，又冇得食。

嚇到僵硬
劉嘉玲今次返蘇州家鄉兼做埋金雞大使，影后獎當然心中有數，最初宣布得獎者竟然冇份時，嘉玲當堂硬晒真面目:嘉玲唔准食　偉仔胃痛撐金雞圖片1，連佢自己都承認：「大家當時在電視上看見我甚麼表情，我就是什麼心情啦！」又幾坦白喎！


最初宣布影后係顏丙燕時，淨係睇劉嘉玲個僵硬笑容都知佢有幾唔忿氣。


後來張震再宣布影后雙胞胎，嘉玲姐即有反應，真摯笑容再送幾條魚尾紋娛賓。


之後例牌動作錫埋男友，不過偉仔仍然係冇乜笑容，唔通戥女友要分半個獎畀人唔抵？

好恨嗱獎
台上台下風騷、大會慶功後，電影公司為劉嘉玲舉行私人慶功宴時，男友梁朝偉、老友王菲破戒出山、名導王家衛、田壯壯、張震、舒淇一一到場，連「恭喜影后劉嘉玲」的巨型banner 亦一早印好，巨星雲集贈興，對於這次封后，嘉玲擺明「坐定粒六」，不過功力深厚的嘉玲當然回答醒目得體：「我天上的父親也知我很恨得獎，心情總之是很高興吧！」
高興還高興，不過寶貝男友餓到胃痛都唔畀食嘢，似乎興奮過龍喎！


劉嘉玲做咗今屆金雞獎大使，到上週五（26日）頒獎禮前夕，仲叫埋男友一齊手拖手造勢，咁幫手，大會想唔畀個獎你都好難。

胃痛早種
01年梁朝偉因為長期鼻敏感而求診中醫時，藥方中的白芍藥便有止胃痛功效，可見入行多年的朝偉一直受胃病困擾。

金雞吹大雞
軍服慶功
響頒獎禮著件16萬Dior 粉紅色泰山裝，去到慶功又換咗另一件軍褸外套，軍look 襯all back 頭，再加埋佢個坐姿，返到內地做大使梗係要襯番內地潮流。

造定海報
去完大會慶功，嘉玲再拉大隊去紅磨坊酒吧慶祝，最勁係佢識造定超巨型海報放響酒吧幫自己慶祝，大吉利是如果失手張海報唔知放響邊好呢？


對嗱獎信心十足的嘉玲，一早訂定場搞慶功之外，仲請埋好耐冇見人嘅王菲，從北京搭飛機去蘇州助興，最近傳出同老公李亞鵬感情冷卻嘅王菲，到場時雙手交叉攬實自己，呢個身體語言有啲嘢喎！

1/2影后低調實力雞
第16屆金雞獎頒獎禮爆出雙影后，除咗嘉玲，另一位影后就由《愛情的牙齒》女主角顏丙燕奪得。劉嘉玲嗱獎大家預咗，查實顏丙燕86年考入北京歌舞團，94年開始轉向影視發展，入行13年在國內拍過多於40部電影及電視劇，在內地知名度拍得住另一影后提名人李冰冰，今次分到嘉玲姐半隻金雞，佢就好大方話：「我沒有想自己得獎，劉嘉玲才是熱門，我有份提名已經很高興！」

真面目:嘉玲唔准食　偉仔胃痛撐金雞圖片2
梁：我胃痛呀！（真實對白）
劉：你忍多陣啦！（真實對白）
真面目:嘉玲唔准食　偉仔胃痛撐金雞圖片3

真面目:嘉玲唔准食　偉仔胃痛撐金雞圖片4

真面目:嘉玲唔准食　偉仔胃痛撐金雞圖片5
金雞嘉玲最緊要得體，拿住部潮人iPhone 即時發短訊覆老友，男友餓一陣唔使死嘅！
FACE周刊第23期

TOP

thanks