娛樂頂點:偷食唔認　謝天華搵老婆做騷

1^# 大中小 cheshire (IP: x.184.192.x) 發表於 2007-10-27 10:42 發短消息只看該作者

相關主題: 謝天華

娛樂頂點:偷食唔認　謝天華搵老婆做騷老婆唔響身邊，謝天華就作反啦！上周六（10月20日），《味分高下終極踩台》錄影完，晚上由曾志偉帶隊去熱門蒲點「Room 18」玩，謝天華俾多間傳媒影到同其中一位「味之天使」麥皓兒（忌廉）響舞池攬住錫。
事後謝天華死口唔認衰，話disco 太嘈要挨近啲講嘢。但本刊影到的片段中，好清楚響台北謝天華同「忌廉」並唔係傾偈咁簡單，之後仲摸住pat pat 返酒店。現場幾十對眼睇住，冇得抵賴。
謝天華偷食「忌廉」斷正，老婆Tina （李天恩）表面上唔止冇嬲，本周二（10月23日）同謝天華拖住手去飲茶，返家時拎住本用謝天華偷食做小封面嘅雜誌。謝太做騷咁做，無他嘅！兩年前Tina 以馴服到生性風流嘅謝天華為榮，今日老公偷食失手，為保面子梗係要死撐啦！
本周二（10月23日）下午，謝天華飲完茶拖實老婆Tina 返屋企，見到記者即黑面。Tina 則對記者提問充耳不聞。記者發覺佢手上拎住老公謝天華搭上「忌廉」做封面嘅雜誌。睇完都唔發火，Tina 嘅EQ 真高！

上周六（10月20日）《味分高下終極踩台》外景拍攝完畢，主持人庾澄慶、鄧健泓，聯同監製錢國偉、曾志偉及眾嘉賓到庾澄慶所開的青葉台灣料理慶功。晚上10時許食完飯，時間尚早，曾志偉等人當然唔會就咁返酒店抖啦！
鬼祟夜蒲
眾人先返君悅大飯店休息一陣，約11時許，兩架貨車突然駛到飯店卸貨區，鬼祟地接載監製錢國偉、曾志偉、錢嘉樂、鄧健泓、洪天明、謝天華、湯盈盈及味之天使等人，直駛往位於華納威秀的夜店「Room18」。
眾人坐在店內最盡頭的半開放式包廂，酒過三巡後，謝天華與味之天使「忌廉」麥皓兒走進舞池，二人很快便扭在一起。只有19歲的「忌廉」，突然主動將謝天華的頭拉向自己，乘勢送上深情一吻。謝天華雖然有家室，但食得唔好曬，即時攬緊對方。
玩至凌晨4時多，謝天華與「忌廉」醒目地前後腳返飯店。謝天華在大堂突然轉身向遠處的「忌廉」招手，「忌廉」即時上前任男方拖手兼摸pat pat ，之後才雙雙上房。
翌日大隊離開飯店check out ，其餘5位「味之天使」都有現身，獨欠「忌廉」。
舐「忌廉」人贓並獲足本睇
姣電

本周日（10月21日）晚，謝天華與「忌廉」在舞池身貼身跳舞，「忌廉」不時以姣眼狂電謝天華。
呵氣
電眼唔夠力，「忌廉」再開動朱唇，不停在謝天華嘴邊呵氣。
摸面狂咀
謝天華辯稱因為現場太嘈而要挨近講嘢，但「忌廉」肉緊到用手摸住謝天華塊面嚟錫，謝天華個樣又好冧。
以咀還咀
「忌廉」做完主動，謝天華亦唔執輸，以咀還咀，一於嗒真啲「忌廉」先。
摸籮上房
去完disco 返酒店，謝天華原本同其他人行先一步，但返到大堂佢企咗一陣，原來係等行慢咗嘅「忌廉」。之後謝天華一手就摸落「忌廉」pat pat 度，一齊行去搭𨋢上房。
虎視眈眈
上周四（10月18日），《味分高下終極踩台》第一日錄影，幾位「味之天使」一出場，謝天華已經色迷迷𥄫住。當時「忌廉」（右一）同佢仲係好生疏。
黑面兼寸爆
本周日（10月21日），謝天華由台灣返港，翌日即有雜誌圖文並茂，報道他與「忌廉」的熱咀新聞。本刊於周一24小時在其寓所外守候，慣於午後放狗的Tina 完全唔見影。至本周二（10月23日）下午1時半，已同老婆講掂數的謝天華與Tina 十指緊扣飲茶後返家，謝天華寸爆黑面指著地下，Tina 即有默契地說：「私人地方喎！」二人半句也沒回應急步入大廈。
當時Tina 手上還拿著一本刊登了謝天華嗒「忌廉」照片的雜誌，表情寸爆的她擺到明撐老公。據知Tina 為人非常要面子，05年與謝天華結婚，她不時向朋友炫耀自己終能收服愛蒲爛玩的謝天華，所以這次謝天華斷正，她都要出來做騷。不過返到屋企，謝天華使唔使跪玻璃，就真係唔知咯！

雜誌封面

「忌廉」
忽然一周第639期

廷伸閱讀/相關主題推介:

相關主題:謝天華

如果您喜歡這篇文章，請按「讚」或分享給您的朋友，以示鼓勵。

TOP

著數優惠交流網 » 影視、娛樂交流區 » 娛樂頂點:偷食唔認　謝天華搵老婆做騷

娛樂頂點:偷食唔認 謝天華搵老婆做騷

廷伸閱讀/相關主題推介:

娛樂頂點:偷食唔認　謝天華搵老婆做騷