劉心悠昨日35歲生日，前晚忽然性感，大騷腹肌，並獲周柏豪（右）及林德信吻賀。。
《我老婆係明星》一眾演員前晚出席在旺角舉行的首映禮。
劉心悠、周柏豪、林德信和蔡潔主演的電影《我老婆係明星》前晚在旺角舉行首映，昨日是心悠35歲生日，大會在首映禮上準備蛋糕為她慶祝，悉心打扮的心悠，穿上短褲露腰大騷腹肌，她說：「腰位清涼，有啲唔慣，今次算係第一次。腹肌之前仲明顯，近排因為成日飛，所以冇時間操練，如果要操番，兩個星期就會出現番。」
蕭定一入股周柏豪公司Starz People，隨即傳出王宗堯跟柏豪爭做一哥，暗寸周柏豪只是歌手，柏豪說：「我諗大家誤會佢意思喇！佢係我師兄，佢入行早過我，其實大家都係唔同公司，兩間公司近期好多合作，好多機會見到，我都要跟佢學吓嘢，佢好多經驗。」柏豪亦不相信對方搶客，因為大家客戶和形象不同。
「有批評先有進步」
王宗堯被指經常批評其他人，如莊思敏，柏豪說：「我唔知，我唔知佢有批評，有批評係好事，有批評先有進步，我係接受批評，自己好少批評人，我只會批評自己，每晚瞓覺都會諗番自己達唔達標。」
同場的莊思敏對柏豪和王宗堯之爭，她說：「對佢（王宗堯）啲新聞我唔想回應，不過，祝柏豪好運。」不過，對於傳聞王宗堯勸老闆蕭定一考慮不跟莊思敏續約，她表示沒聽過，跟公司還有一年約。
採訪：黃曉妍
攝影：仇志德
莊思敏不想提起王宗堯的是與非，同時亦祝福周柏豪好運。
王宗堯 資料圖片
From:
http://hk.apple.nextmedia ... 160402/19554316
