洗米仔周柏豪帶住hardsell 去行街

上個月洗米仔周柏豪（洗米華大仔）投資嘅拍賣網Oction開幕，周家上下總動員撐場，據知個網一開張就冧server，搞到佢要親自拍片「耍冧」。開業將近一個月，網友冇再「媽×」投訴，做老闆的洗米仔應該還得神落！

呢日佢暫時放低公司嘅業務，喺圓方做表姐嘅陪買專員。全黑打扮嘅柏豪，身穿的Tee正正印有公司logo，完全唔放過任何一個宣傳機會！兩人走去睇波鞋，其間，洗米仔不時托住下巴左擰右擰，睇個勢似捱得夜多，骨火盛，之後兩表姊弟傾唔停走去買蛋糕，試勻晒幾款先至扑槌！之後兩個行返去周家喺天璽嘅行宮，沿途雞啄唔斷，有講有笑，話佢哋係拖友實有人信！

上月洗米華同洗米嫂罕有合體，孖住周家上下撐周柏豪拍賣網開幕。
兩個試食完先買，精明消費者！
洗米仔不時托住下巴左擰右擰。
兩表姊弟有講有笑勁啱key，表姐手上捧住嘅白板貼，三百蚊起跳，比起一塊普通白板貴一截。

撰文︰八珍

洗米仔帶住hardsell去行街

周柏豪看似與懞懞相處融洽，但原來他是怕狗之人。

周柏豪日前帶同在電影《西謊極落：太爆．太子．太空艙》中的狗狗懞懞到觀塘寵物公園拍宣傳片，現場見他為懞懞沖涼、餵食及陪玩滑板，人狗相處融洽，但原來柏豪是怕狗之人，他說：「我怕啲狗太熱情，導演叫我抱吓佢，我都要熱吓身先。」他指小時候養過狗，但比較下更喜歡貓，他說：「我有一隻狗六隻貓，𠵱家好多都過咗身，剩低一隻貓，之後都未必會再養。」

成為人夫的柏豪被問到生育計劃？他說：「真係未有計劃，都係隨緣啦！咁我哋都有共識，𠵱家都係把握機會工作先，因為工作機會唔等人。」

採訪：盧妹
攝影：陳慧安
from:http://hk.apple.nextmedia ... 170717/20091835