周柏豪代言M巾男網民：睇見都有少少經痛

1^# 大中小 young 發表於 2015-7-27 11:46 發短消息

男人買M巾，是體貼；
男人賣M巾廣告，是市場策略；
咁，周柏豪賣M巾廣告，係乜？

識得睇，梗係睇留言。

陳柏霖、羅志祥、錦榮、汪東城、林宥嘉等等等等，都拍過賣M巾廣告。手執一包M巾——當然，一定係一包包咁拎住，唔會拆散display……始終……你懂的。廣告中的那些俊美男孩，或單手托起、或由袋中抽出(如羅志祥)、或擺出型仔pose(如林宥嘉)、或誠懇地向你雙手奉上(如陳柏霖)，對手往往是嬲嬲豬谷埋泡腮的女友咁啦(M痛真係令人冇曬mood0架…)

咁周柏豪個M巾廣告，又係點？

係，一舊雲，又好似一束(棉)花，身穿西裝的周柏豪，拎住疑似花疑似雲的東西，似在聞，索緊，又似ready準備送上。宣傳標語係，體貼，在於綿感溫柔。

識得睇，梗係睇留言。

「買呢款M巾，第一個會想起你」

「真係好等錢洗下....」

「好，轉牌子。」

「身為男人睇見都有小小經痛＞＜」

「賣M巾？太可愛啦我一定會買呢款嫁，果時一定諗起你。」

「有冇人諗起my盛lady嘅廣男哥」

「暖男…」

「佢雪凍M巾當退熱貼用？」

「因為你，我要用呢隻M巾」

咁受歡迎，因為你係；周‧柏‧豪。嘛。
from:http://hk.apple.nextmedia ... 150724/19230848

廷伸閱讀/相關主題推介:

相關主題:周柏豪經痛

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-7-28 10:49 發短消息

代言女性用品益埋連詩雅柏豪星戰巡遊武士格劍

周柏豪和連詩雅昨日化身絕地武士，二人在巡遊前經專人教授正確揸劍姿勢。

熱爆全球《星球大戰》（Star Wars）系列全新電影《星球大戰：原力覺醒》（Star Wars：Episode VII-The Force Awakens）將於年底上映，雖然距離上映仍有一段時間，不過香港已開始湧現「星戰熱」。昨日周柏豪與連詩雅以「絕地武士」造型，與二百多名星戰粉絲在迪士尼出席全亞洲首個最大型「星球大戰」粉絲巡遊，他們手持激光劍和遊客耍劍。

恨扮黑武士

本身是星戰迷的柏豪，最愛是黑武士，他說：「今日係好熱，不過我行到出去唔記得晒，因為好開心，可以同一班fans一齊做一件事好有價值，有機會一齊玩，雖然扮唔到黑武士。」柏豪表示巡遊都有做綵排，大會還教他正確揸劍方法，他為尊重活動還脫掉耳環。

【莉亞公主】

巡遊中有演員扮莉亞公主等星戰角色。

【沙兵】

【賞金獵人】
近日柏豪拍衞生巾廣告惹來很大迴響，他笑說：「咁咪好，其實我由細到大都唔覺得呢啲係尷尬事，好似阿媽煮飯我都會落街幫手買清潔用品，雖然我就用唔到，不過身邊好多人受惠，同事都歡呼，好似連詩雅都有受惠。」問他有否試過代女友買M巾？柏豪說：「女友就冇，但如果要幫手我一定幫，冇理由睇佢喺屋企慘晒，拍呢個廣告又唔係拎住product去宣傳。」至於會否再拍同類廣告？他說：「如果下次個故事啱，形象又好都會去做。」

「星球大戰」巡遊吸引200多名粉絲參與，場面盛大。

詩雅愛公主

同場的連詩雅亦稱是星戰迷，不過原來她最希望是扮公主。另一方面，在巡遊活動舉行的前夕，R2D2由控制員帶同在美國小鎮大街視察環境，並現身20分鐘同粉絲及遊人打招呼。

採訪：張俊銘、盧葦
攝影：仇志德
from:http://hk.apple.nextmedia ... 150728/19234233

TOP

3^# 大中小 young 發表於 2015-7-30 13:36 發短消息

周柏豪求身邊人安好

周柏豪噚日喺商台宣傳新歌《相安無事》，佢話呢首歌係記低𠵱家30歲嘅心境，以前好嚮往驚喜繽紛，但𠵱家追求平淡嘅生活，佢話：「近呢兩年發生好多事，加上𠵱家睇啲新聞，每日都好多意外，就覺得平淡每日見身邊人安好已經係好幸福嘅事。」講到結婚，柏豪話暫時未有呢個打算：「我哋有默契嘅，有時間簡單食餐飯見面，或者可以一齊去旅行都好開心。」

撰文：馮仁昭

馮仁昭
from:http://hk.apple.nextmedia ... 150730/19236635

TOP

4^# 大中小 young 發表於 2015-8-13 15:52 發短消息

周柏豪來電照顧M巾客

周柏豪憑住暖男形象，成為香港第一位代言衞生巾嘅男藝人。

過往都有唔少台灣男藝人做過衞生巾代言人，好似羅志祥、賀軍翔同林宥嘉；不過，唔知係咪文化唔同，自從周柏豪拍衞生巾廣告嘅宣傳相公開咗之後，外間嘅迴響都好大，甚至有網民話見到佢個樣都覺得經痛。

鄭融前晚喺Ig貼相指M痛令人變廢，周柏豪乘機宣傳佢代言嘅衞生巾。

鄭融
借鄭融過橋宣傳

不過，周柏豪就話一啲都唔覺得尷尬，仲話大家有咁嘅反應係意料中事。而佢老友鄭融就好抵死咁喺Ig放咗一張有個女仔捲曲坐喺度嘅漫畫相，相入面仲印咗「m痛令人變廢」幾個字，然後再留言寫住周柏豪三個字，之後柏豪就喺自己Ig放咗一張有好多衞生巾嘅相片，仲叫鄭融有需要就向西北方呼喚佢，即刻引咗大班fans留言話經痛，認真搞笑。

馮仁昭就覺得廣告商今次好成功，姑勿論大家接唔接受周柏豪嘅暖男形象，但宣傳效用就一定收到晒，嚟緊廣告商仲會安排周柏豪同班用家互動，只要你將自己每月經期話畀柏豪知，佢就會到時到候打電話嚟關心你，馮仁昭都真係好想知道周柏豪究竟會講啲乜？

撰文：馮仁昭

馮仁昭
from:http://hk.apple.nextmedia ... 150731/19237777

TOP

5^# 大中小 young 發表於 2015-8-13 21:12 發短消息

柏豪有樓隨時結得婚

周柏豪同糖妹噚日喺港台錄廣播劇《唐七太空站》，今次糖妹聲演柏豪嘅港女女友，要柏豪有樓先會結婚。唔知柏豪嘅女友又有冇呢個要求？佢話雖然有樓，但未諗結婚。佢哋係咪同居？柏豪話：「有時同有時唔同啦，得閒咪同囉。」跟住又講到有人豪花40萬求婚，柏豪話：「如果第時太太要求我咁做，我覺得我揀錯咗。40萬可以幫到好多弱勢社群。」

撰文：馮仁昭

馮仁昭
from:http://hk.apple.nextmedia ... 150806/19244418

TOP

6^# 大中小 young 發表於 2015-8-22 09:32 發短消息

周柏豪晒6嚿腹肌

周柏豪做健身中心代言人，展示結實胸肌。

周柏豪密密接廣告，繼女性用品登場後，最近終於有個充滿男人味的廣告，他擔任了健身中心的代言人，可以一展結實胸肌。而拍攝廣告前，柏豪特別接受專業特訓，他說：「自己好滿意訓練成果，身形fit咗好多，一定要盡騷辛苦練番嚟嘅六嚿腹肌。」

此外，柏豪、連詩雅、Dear Jane樂隊、女子組合A2A及創作歌手陳詠謙等，早前遠赴美國拉斯維加斯參加《華納星聲鬥》音樂節目，林一峰擔任主持人，柏豪與連詩雅分別擔當隊長，帶領多位隊員，展開一場音樂競技，結果連詩雅一隊勝出，而獲勝一隊得到的獎品，只是坐靚車遊覽當地名勝。

撰文：炎炯炯
from:http://hk.apple.nextmedia ... 150818/19259584

TOP