余文樂和周柏豪不和傳足3年，雖然兩人都曾各自否認，但柏豪當年由樂仔組成的籃球隊橫洲工業中忽然消失、柏豪細佬柏文突然由樂仔助手轉做賣衫，甚至傳出樂仔不滿柏豪偷食隊友細妹及兩人因爭吳雨霏而反面，令不和傳聞越傳越有。
【放甩柏豪】
晚膳後兩人一前一後攞車，樂仔（左）不時回身跟柏豪聊天。
【靚車受罰】
揸波子的樂仔發現柏豪座駕收到「牛肉乾」，自己則逃過一䕃。
樂仔昨日出席電影開鏡，表示不時會與柏豪見麵食飯。
離遠傾偈
不過，本報前晚獨家直擊樂仔駕駛落地幾個月、價值幾百萬的橙色波子，與駕Audi的周柏豪在上環一間潮州菜館開餐，樂仔、柏豪與一位男友人更足足食了超過兩小時才離開。記者約晚上8時已見兩人座駕泊在飯店門外，柏豪的車更陪他一起開飯慘食「牛肉乾」，但樂仔的橙色波子卻未有中招。
直至約晚上10時，樂仔、柏豪和男友人終於食飽離開，柏豪發現記者更主動打招呼，相反樂仔就一支箭衝去攞車，但久不久有回頭跟柏豪對話。
昨日樂仔出席電影開鏡，提及破冰飯局，問他與柏豪關係如何？樂仔即表示：「不嬲都冇嘢嘅，都寫咗3年啦！大家都有見麵食飯，但我成日都唔喺香港，所以都好少見到咁多朋友囉！」問他是否都有看破冰報導？樂仔則表示不看報紙。
冇再打波
至於是否有約柏豪齊齊打波？樂仔說：「我都好耐冇打波喇，其實我都好少時間做其他嘢，𠵱家都要多啲時間陪家人，其實我啲私人時間都犧牲曬。」再追問他當年是否不滿柏豪偷食隊友細妹？樂仔重申沒有此事，還叫大家找當日爆這單料的記者求證，他嘆謂：「唔知點解可以作到咁樣。」
採訪：張俊銘、羅德光、梁繼光
攝影：沈健程
from:
http://hk.apple.nextmedia ... 160421/19579259
