無時間去美容院，又或者想更精益求精，可選擇響屋企密密敷面膜，再配合妝前針對性速效波特，在大日子殺到埋身前，努力加把勁！
全面敷
21日套裝
Fancl Special Concentration Kit $430/ 套
賣點：一盒有齊按摩霜、護頸精華、美肌昇華素及面膜，可作密集式急救護膚用。
評語：「Set 多」設計方便周到唔使煩，連頸都護埋，由而家開始密密敷，搽夠皮膚更生周期21日後，啱啱好聖誕。
即時美白
Mukti Buttermilk &Oat Pink Clay Masque $485/100g
賣點：以法國高嶺土礦泥及牛奶為主要成分，吸走油脂污垢，同時滋潤軟化表皮。
評語：要以2：1爽膚水及面膜粉開成泥狀至用得，雖然麻煩，但敷後皮膚明顯剔透冇繃緊，建議平安夜之前連敷佢七日，白晒！
去眼紋
Montee Anti-age Eye Treatment Mask $580/15ml
賣點：純大豆、大米縮氨酸等成分，重點擊退眼紋及眼圈。
評語：Cream 狀質地出奇地清爽，厚厚敷一層待15分鐘，皮膚飽滿乾紋自然淡咗，不過黑眼圈呢，有待多用改善囉。
漢方智慧
我的美麗日記面膜套裝$138/2盒
賣點：台灣美媚人氣產品，彼邦星級化妝師古小偉都力讚，一盒有齊12款不同類型面膜，醫乜有乜。
評語：包裝娘，但成分睇落都make sense ，珍珠美白、紅酒緊緻。每片面膜均含大量精華液，濃到，拿起手要嚟應付突如其來皮膚問題，買1送1價錢，日日敷都唔肉赤。
貼妝法寶
擊退敏感
Clinique Sensitive Skin Relief Cream $365/50ml
賣點：專門整治突發敏感，具紓緩、防護及修護功效。
評語：含水果精華成分，潤而不膩，唔會爆粉刺油脂粒，特別針對因外在環境而產生的忽然敏感，搽定打底有助避免喺人多派對焗到面紅情況。
砂紙救星
Apivita Anti-Wrinkle &Restoring Face Oil $650/30ml
賣點：油狀，專門針對細紋及乾紋。
評語：含抗衰老的紅酒成分，質地唔
，配合埋打圈按摩，幾秒即被皮膚吸收，上粉前搽佢個妝都貼啲。
深層保水
潤肌精保濕精華素$130/50ml
賣點：全天然草本植物成分。
評語：含玫瑰果、川芎及地黃等超強保濕成分，質地水，滲透力超快，好似幫皮膚不斷泵水咁，用佢打底包唔會有乾緊脫妝情況。
修復緊緻
Olay Super Cream $239.9/50g
賣點：氨基酸複合物成分，配合透明質酸及海洋蛋白，滋潤緊緻輪廓。
評語：Cream 狀質地出奇地清爽，特別加入的海洋蛋白成分，連續用一星期後，塊面白淨彈手咗，「感覺」冇咁鬆泡泡。
滋養美白
Dermalogica Pure Night $968/50ml
賣點：含葡糖酸及胡蘿蔔素等抗氧化成分，功能滋潤及擊退黑色素形成。
評語：比一般冬日用美白晚霜質地更保濕，搽後皮膚仲有番光澤感，啱派對前夕但不幸通完幾日頂的姊妹們應急。
