「愛美神」黎姿以14歲之齡拍電影《開心鬼放暑假》出道，因家庭環境問題，踏入社會工作，2008年退出娛圈，婚後主力為弟弟黎嬰打理美容生意，閒時陪伴囡囡，做幸運少奶奶。
黎姿昨午喺微博貼咗一張自拍相，相中見佢拎住隻匙羹，羹面見到原來黎姿拎住個iPhone影selfie，佢留言：「實與虛；匙羹，是實體，當拿到手上，透過羹面，呈現的影像，它是虛的。因為你會發現這些影像如果站在不同角度看會有不同效果。所以凡事不要只看表面，你以為看不穿的，換個位置，你便會有新發現的。」fans都明白黎姿係想同大家講凡事換角度思考，就會有唔同答案。
不過唔少fans都被黎姿容貌吸引住，回覆「仙女，你永遠是仙女」、「好美，迷人依舊」、「數十年如一日的美」、「最近睇咗古惑仔，裡面嘅你好美」。
from:
http://hk.apple.nextmedia ... 170920/20158711
