現年42歲的黎姿昨日為中環開設的皮膚護理中心舉行開幕禮，邀請圈中好友出席，包括張晉、童愛玲、陳法蓉、丘凱敏、張新悅等。
久未現身公開場合的黎姿，兩度含淚感謝朋友及傳媒支持，更透露現況：「退出娛樂圈6年，傳媒朋友好想知我近況，我黎姿𠵱家仲係別來無恙，生活得好開心、好幸福、好踏實、好充實，好enjoy家庭生活，好鍾意湊我3個小朋友同照顧我老公。」
黎姿的皮膚診所開張，邀得群星撐場。
組隊山區醫病
07年胞弟黎嬰遇上車禍後，她被迫接手其醫學皮膚診所，黎姿指當時是人生的低點：「我接手後，接二連三都想放棄，對住盤數、合約係咁喊，唔知點好，但每次同昏迷嘅細佬滙報診所嘅事，佢都有反應，所以我接手。」縱使老公馬廷強起初反對，但憑著她的堅持，最終得到老公的支持。黎姿直言現時的心願，是組成團隊到內地山區替人醫治皮膚病。
重視女兒仁德
提到黎嬰的情況，黎姿一度落淚說：「佢要坐輪椅，因為行動唔太好，要做物理治療、言語治療，好多治療，有時可以企起身，但佢講嘢……（黎姿開始泣不成聲）都唔係太好，希望佢多啲訓練，多啲講嘢就好。」
至於3名女兒，黎姿坦言時間過得很快，大女和二女已4歲，細女快兩歲，她又謂自己不是怪獸家長，認為學分都是其次，仁德才是最重要。此外，前日40歲生日的張晉，透露老婆蔡少芬雖在北京拍戲，但已送了頸鏈做禮物，而他跟兩個女兒食飯慶祝已經冧爆，他說：「大女係咁kiss我，仲同我朋友講『我真係好鍾意爸爸』，好似初戀一樣咁甜。」
from:
http://hk.apple.nextmedia ... 140521/18726777
