「凍齡女神」黎姿自從接手咗細佬間美容院，而家愈做愈大，仲上埋市做CEO。不過講到明幾忙都要湊女嘅佢，近日就同三個女去北京遊故宮，仲話令佢諗番起以前拍《金枝慾孽》嗰陣嘅點滴。
早前《壹》仔就撞到黎姿喺又一城湊住對孖女，眨吓眼六歲已經升小一嘅孖女，冇見一排真係大個咗好多，兩個女各自有一個保母，「一對一」貼身照顧，包保唔會走失。咁都未夠！喺商場食完嘢，黎姿外賣咗杯果汁拎走，兩架七人車一早喺門口stand by，安頓好阿女上車後，分兩架車走人，夠晒大陣仗！
兩個保母一人湊一個，包保唔會走失。
湊孖女出街要動用兩架七人車，真巴閉！
最近黎姿一拖三去北京遊故宮，仲好感觸咁話諗番起拍劇時點滴。
撰文︰八珍
兩架七人車保母「一對一」黎姿湊女出巡大陣仗
